Демонстрантите пред Влада побараа правда за Алмир

 „Правда за Алмир“ побараа денеска демонстрантите пред Владата. Тие бараат разрешување на обвинителите кои работат на случајот, одговорност од вештаците и процесот да започне во друг суд надвор од Куманово. Тие носеа транспаренти испишани со зборовите „Каде ви е совеста македонско обвинителство“ и транспаренти со кренат среден прст во знак на револт против обвинетиот во случајот Бобан Илиќ кој им покажа среден прст на роднините на Алмир.


Демонстрантите се противат на одлуката на обвинителството да го преквалификува кривичното дело за случајот. Детето Алмир Алиу беше прегазено со автомобил од Илиќ, по претходна расправија меѓу возрасните.


Судскиот случај по две години од убиство беше преквалификуван во сообраќајна незгода. Оштетените сметаат дека детето било згазено намерно и оти Илиќ треба да одговара за убиство. Министерот за правда Билен Саљији вечерва поднесе оставка на функцијата од, како што рече, морални причини по разнишаната доверба во судството .