Прво рочиште за нападот врз Зијадин Села во Собранието

Во Кривичниот суд денеска почна судењето на обвинетите за обид за убиство на пратеникот Зијадин Села за време на настаните во Собранието на 27 април минатата година. Во судницата присутни се десетмина обвинети, а Села не дојде на рочиштето. Судскиот процес го води судијката Славица Андреевска.


Лидерот на Алијансата за Албанците Зијадин Села беше тешко повреден при упадот и насилствата на 27 април 2017 година во Собранието. За настаните веќе се изречени судски пресуди по два предмета, а во тек е истражна постапка за предметот на Јавното обвинителство за „терористичко загрозување на уставниот поредок“ во кој се осомничени 36 лица.