Захариева - Македонија годинава може да почне преговори со ЕУ

Реално е да се очекува Македонија да добие покана за почеток на пристапните преговори за членство во Европската унија оваа година, изјави министерката за надворешни работи на Бугарија, Екатерина Захариева за бугарското радио „Дарик“. Таа спомена два услови за тоа: напредокот во разговорите за името и планот за реформи.


Захариева потсетува дека Македонија има статус на кандидат за член на Унијата уште од 2005 година, но политиката на земјата за нерешавање на проблемите со соседите ја довела до тоа повеќе од 12 години преговорите да не се почнати .


„Се радувам што македонската Влада сфати дека политиката „против“ не е политика на европските вредности“, објаснува бугарската министерка. Таа го оцени потпишувањето на договорот за добрососедство со Македонија како настан на 2017-та година.