СДСМ: Неосновани се реакциите на ВМРО-ДПМНЕ за Договорот со Бугарија

Реакциите на ВМРО-ДПМНЕ за Договорот за пријателство и добрососедство меѓу Македонија и Бугарија се неосновани, наведува СДСМ во партиско соопштение наведувајќи дека Договорот е во интерес на двете држави и е во согласност со националните и државни интереси на Република Македонија. 


„Тоа што целиот демократски свет го поздравува Договорот како значаен исчекор кон евро-атланските интеграции и го истакнува значењето за регионалната и меѓународната позиција на Република Македонија, а само ВМРО-ДПМНЕ неосновано е против, ги оживува политиките на оваа опозициска партија за поделби и изолација“, велат од СДСМ.