Влада - Заев и Мицкоски согласни дека опозицијата треба да учествува во реформите

Опозицијата треба да учествува во реформските процеси, а патот на Македонија е во ЕУ и во НАТО и за тоа е потребен ангажман од сите политички субјекти, согласни се премиерот Зоран Заев и новиот претседател на ВМРО-ДПМНЕ, Христијан Мицкоски, соопштуваат од Владата.


Мицкоски попладнево за првпат како лидер на партија имаше средба со премиерот во Владата. Во владиното соопштение се наведува дека средбата се реализирала низ конструктивен дијалог, иако за некои од темите биле изразени различни ставови.


Мицкоски по средбата рече дека разговарале за повеќе актулни теми, во кои ги презентирале своите аргументи и ставови, кои, како што вели, нормално се разликуваат. Опозицијата вечерва ќе одлучи дали се враќа во Собранието.