Новости за 13.01.2025

Социал-демократтар партиясынын мүчөсү Анарбек Катаганов добуш сатып алуу боюнча козголгон кылмыш ишинин алкагында күбө катары сурак бергени белгилүү болду. Бул маалыматты Бишкек шаардык милициясынын басма сөз кызматы дүйшөмбү күнү кечке маал тараткан билдирүүсүндө ырастады. “2025-жылдын 12-январь күнү Бишкек ШИИББнын Тергөө кызматы тарабынан Кыргыз Республикасынын Кылмыш-жаза кодексинин 196-беренеси ("Шайлоочулардын добуштарын сатып алуу") менен козголгон кылмыш ишинин алкагында 1982-жылы туулган А.К. күбө катары чакырылып... Читать дальше...

Бельгияда пенсия реформасына каршы жалпы улуттук иш таштоо жүрүп жатат. "Рейтер" маалымдагандай, дүйшөмбүдө аба, темир жол жана кара жол байланышы кыйындады. Кесиптик кошуундар бийлик талкуулап жаткан реформадан чочулап, демонстрацияларга чакырган. Өкмөт сунуш кылынган өзгөртүүлөргө ылайык пенсиялардан үч миллиард евро үнөмдөөнү көздөп жатат. Акцияларга темир жол, аэропорт, авикомпания, коомдук транспорт, билим берүү кызматкерлери кошулду. Маалыматка караганда, демонстрацияларга он миңдеген мугалим кошулууну көздөп жатат. Читать дальше...

13-январда Азербайжандын соту жарандык активист Бахтияр Гажиевди 10 жылга эркинен ажыратып, мүлкүн конфискациялоо өкүмүн чыгарды. Бул тууралуу «Азаттыктын» азери кызматы кабарлады. 2022-жылдын 9-декабрында кармалган активист ошондон бери камакта отурат. Гаджиев "мыйзамсыз ишкердикке", "аткезчиликке", "жасалма документ колдонууга", "салык төлөөдөн качууга", "кылмыштуу жол менен алган мүлктү мыйзамдаштырууга" айыпталган. Ал сотто сүйлөгөн акыркы сөзүндө тагылган айыптарды жүйөсүз деп эсептерин... Читать дальше...

Ош мэриясынын Коммуналдык чарба башкармалыгына тиешелүү делген иш кагаздары жана жарандардын документтеринин көчүрмөлөрүнүн көчөгө ачык ташталганы боюнча териштирүү башталды. Шаардын көчөсүндө чачылып жактан материалдар тууралуу маалымат адегенде соцтармактарга жарыяланып, талкууга айланган.

Мамлекеттик жаза аткаруу кызматы (ЖАК) Бишкектеги №1 тергөө абагында ачкачылык кармап жаткан Социал-демократтар партиясынын лидери Темирлан Султанбеков  медициналык комиссиянын кароосунан өткөнүн 13-январда "Азаттыкка" билдирди. Маалыматка караганда, текшерүүнү Жаза аткаруу кызматынын госпиталынын,  бейтапканасынын дарыгерлери жана медициналык башкармалыктын адистери жүргүзгөн.  Султанбеков алсыраганын, таманы ооруп, бутунун манжаларын жакшы сезбей калганын айткан. "Жүргүзүлгөн клиникалык-биохимиялык анализдер норманын чегинде... Читать дальше...

Социал-демократтар партиясынан Бишкек шаардык кеңешине талапкер болгон мүчөлөрү суракка чакырылып жатканы маалым болду. Бул партиянын лидери жана эки мүчөсү ноябрь айынан бери тергөө абагында отурат.

Арачылар Газадагы согушту токтотуу боюнча келишимдин соңку долбоорун Израил жана АКШ жана Еврошаркетте террордук деп таанылган ХАМАС радикал тобуна тапшырганын жараяндан кабары бар расмий өкүл "Рейтер" агенттигине билдирди. Маалыматка караганда, дүйшөмбүгө караган түнү АКШнын президенти Жо Байден жана жаңы шайланган президент Дональд Трамптын чабармандары катышкан сүйлөшүүлөр олуттуу жыйынтыкка жакындатты. Ок атууну токтотуу жана барымтадагыларды бошотуу жөнүндөгү келишимдин тексти Катар тарабынан даярдалган. Читать дальше...

13-январда Кыргызстанда жана дүйнөдө эмне болду? “Азаттык” күндүн башкы жаңылыктарын тизмектейт.

9-январдан 10уна караган түнү, саат 01:30 чамасында "Тез жардам" кызматы Аксы районунун Үч-Коргон айылдык ооруканасына денесинде көгала тактары бар, эс-учун жоготкон 51 жаштагы аялды жеткирген. Жараатынан улам аял эртеси саат 9:22де ооруканада жан берген. Дарыгерлер маалыматты райондук ички иштер бөлүмүнүн (РИИБ) нөөмөт бөлүмүнө кабарлашкан. 10-январда райондук милицияга маркумдун бир тууганы кайрылып, карындашынын өлүмүнө күйөөсүн айыптап, ага карата мыйзамдуу чара көрүүнү суранып, даттанган. Читать дальше...

Кыргызстан чет элдик жарандарга виза берүүнүн айрым жол-жобосун өзгөрттү. Бул тууралуу Тышкы иштер министрлиги (ТИМ) 13-январда кабарлады. Ага ылайык, Министрлер кабинетинин 10-январдагы токтомунун негизинде чет элдик жарандар ыкчам кызмат көрсөтүү тарифин тандаган маалда алардын арызы келип түшкөндөн кийин 24 сааттын ичинде визасы даярдалат. "Кыргызстанга ишкердик, туристтик же жеке максаттар менен (досторуна келүү, медициналык текшерүүдөн өтүү жана башка) келүүнү көздөгөн чет өлкөлүк жарандар... Читать дальше...

Кыргызстандын түштүгүндө Эркечтам - Ош - Өзбекстан жолунун боюнда "Көкчө-Көз" деген аталышта соода-логистикалык борбор курулат. Соода-логистикалык борбору 17 гектар жерди ээлеп, күн сайын 500-700 жүк ташуучу автоунааны тейлейт. Башкы директору Жанарбек Молобековдун маалымдашынча, борбор Кыргызстандын түштүк аймактарынын экспорт-импорттук жана транзиттик мүмкүнчүлүгүн кеңейтет. Борбор жүктөрдү көзөмөлдөө, бажыдан өткөрүү жана сактоо кызматтарын да көрсөтөт, түшкөн кирешенин 30% мамлекеттик бюджетке которулат. Читать дальше...

Өзбекстандын улуттук курама командасынын коргоочусу Абдукодир Хусанов “Манчестер Сити” клубуна өтүп жатканы кабарланды. Ал Англиянын премьер-лигасында (АПЛ) ойной турган алгачкы борбор азиялык болуп калмакчы. Футбол комментатору Фабрицио Романо Инстаграмдагы постунда маалымдагандай, 20 жаштагы Хусанов менен келишим 2029-жылга чейин, узартуу мүмкүнчүлүгү менен түзүлдү. Жакынкы күндөрдө спортчу медициналык текшерүүдөн өтө баштайт. Трансфердин баасы 40 млн евро жана бонустарды түзөөрү тууралуу маалыматты The Athletic басылмасы да тастыктады. Читать дальше...

Кыргызстандын Ички иштер министрлиги Интерпол аркылуу эл аралык издөөдө жүргөн кыргыз жараны Молдовада кармалып, экстрадициялоо маселеси каралып жатканын билдирди.

Өзбекстанда соттолгон кримтөбөл, 74 жаштагы Салим Абдувалиев 12-январь күнү абактан чыкканы кабарланды. Ал узак убакыт бою жаман илдет менен алышканы, анын абактан чыгышына саламаттыгынын начарлашы себеп болгону айтылды.

Тегеран Италияда кармалган ирандык киши мекенине кайтып барганын бышыктады. Вашингтон Иорданиядагы кандуу дрон чабуулуна тиешеси үчүн 38 жаштагы Мохаммад Абедининин экстрадициясын талап кылган. Мындан төрт күн мурун италиялык журналист Чечилия Сала Ирандагы түрмөдөн бошотулганы менен туткундарды айырбаштоо тууралуу маалымдалган жок. Ирандын Тышкы иштер министрлиги Абедини 12-январда кое берилгенден кийин үйүнө келгенин билдирди. Иран жана Швейцариянын жараны АКШнын өтүнүчү менен декабрда кармалган. Читать дальше...

Кыргызгидромет борбору билдиргендей, 14-январда жаан-чачын күтүлбөйт. Жолдор тоңголок жана тайгак болот. Түштүк-чыгыштан соккон шамалдын ылдамдыгы секундасына 3-8 метрге жетет. Абанын температурасы: Чүй өрөөнүндө түнкүсүн -4…-9, күндүз 5…10; Талас өрөөнүндө түнкүсүн -4…-9, күндүз 5…10; Баткен, Ош, Жалал-Абад облустарында түнкүсүн -1…-6, күндүз 7…12; Ысык-Көл облусунда түнкүсүн -2…-7, күндүз -1…+4; Нарын облусунда түнкүсүн -19…-24, күндүз -5…-10; Бишкек шаарында жаан-чачын жаабайт. Жолдор тоңголок жана тайгак болот. Читать дальше...

12-январда Социал-демократтар партиясынын мүчөсү Жанна Самышева Бишкек шаардык милицициясына сурак берип чыкканы маалым болду. Бул тууралуу анын адвокаты Аскар Алымкулов 13-январда “Азаттыкка” билдирди. Анын айтымында, Самышева Социал-демократтар партиясына Бишкек шаардык кеңешиндеги шайлоодогу добуш сатып алууга байланыштуу козголгон иштин алкагында күбө катары суралып, ошол күнү коё берилген. 12-январда Социал-демократтар партиясынын мүчөсү Кадыр Атамбаев "Азаттыкка" Самышева кармалганын, ага жактоочулар киргизилбей жатканын билдирген. Читать дальше...

Президент Садыр Жапаров “Ишкерлердин укуктарын коргоо жөнүндө” мыйзамына өзгөртүү киргизүү тууралуу” мыйзамга кол койду. Мамлекет башчынын сайтына 13-январда жарыяланган маалыматка ылайык, мыйзамдын максаты жана милдети - аялдардын ишкердигине мамлекеттик колдоону күчөтүү, анын ичинде финансылык жеткиликтүүлүктү кеңейтүү жана өлкөдө аялдарды иш менен камсыздоо деңгээлин жогорулатуу үчүн шарттарды түзүү болуп саналат. "Аялдардын ишкердиги" аныктамасы жеке ишкер аялдар менен катар акциясынын 51% аялдарга таандык... Читать дальше...

13-январда Социал-демократтар партиясынан Бишкек шаардык кеңешине талапкер Анарбек Катаганов кармалганын партиянын дагы бир мүчөсү Кадыр Атамбаев “Азаттыкка” билдирди. Анын айтымында, Катаганов телефон аркылуу аудио билдирүү жөнөтүп, аны милиция кызматкерлери кармап кеткенин айткан. Андан бери Катаганов менен байланыш жок экенин белгиледи. “Анарбек Катаганов биздин катарыбызга жакында эле кошулуп, Бишкек шаардык кеңешине шайлоодо 41-катардагы талапкер болуп кирген. Анын күтүүсүз жана негизсиз кармалышы ... Читать дальше...

№3 түрмөдө жаза мөөнөтүн өтөп жаткан Сыймык Биримкулов абакта тыюу салынган кол телефонду колдонуп жүргөнү үчүн тартип жоопкерчилигине тартылып, айып изоляторуна киргизилген. Бул тууралуу Жаза аткаруу кызматы 13-январда билдирди. Маалыматка ылайык, 12-январда аталган абакта жазасын өтөп жаткан Сыймык Биримкуловго сырттан да түрмөдө тыюу салынган буюмдарды киргизүү аракетине бөгөт коюлган. Анын ичинде үч даана бычак, таякча, патрондору менен пневматикалык газ тапанчасы, оюнчук тапанча, iPhone маркасындагы... Читать дальше...

Жогорку Кеңештин төрагасы Нурланбек Шакиев фамилиясын Тургунбек уулу деп расмий өзгөрткөнүн билдирди. Ал Фейсбуктагы баракчасынан бул анын "көптөн берки кыялы" болгонун жазды. "Чындыгында, аты-жөнүн өзгөртүү ар бир адамдын жеке чечими. Депутаттар Мирлан Самыйкожо жана Аманкан Кенжебаев болуп бирге демилгелеген мыйзам долбоорубузда аты-жөндү улуттук өзгөчөлүгүбүзгө ылайык жазууну сунуштаган бир нече вариант берилген. Алардын ичинен тандап, мен Шакиев деген фамилиямды Тургунбек уулу деп өзгөртүүнү туура көрдүм",-деген спикер. Читать дальше...

Өзбекстанда соттолгон кримтөбөл, 75 жаштагы Салим Абдувалиев 12-январь күнү абактан чыкканын Kun.uz. сайты жазды. Агенттик өз булактарына шилтеме кылып, Абдувалиев узак убакыт бою жаман илдет менен алышканын, анын абактан чыгышына саламаттыгы начарлашы негизги себеп болгонун маалымдады. "Салимбай байбача” деген ат менен Борбор Азияга таанымал кримтөбөл, Өзбекстандын Улуттук олимпиада комитетинин мурдагы башчысы Салим Абдувалиевге Кылмыш кодексинин “Ок атуучу куралдарды, ок-дарыларды, ок атуучу куралдардын негизги бөлүктөрүн... Читать дальше...

Лейлек районунун Раззаков шаарындагы баасы 226 млн. 44 миң сомдук кыш чыгаруучу заводду ээси өз ыктыяры менен мамлекеттин балансына өткөрүп берди. Бул тууралуу Улуттук коопсуздук боюнча мамлекеттик комитети (УКМК) маалымдады. Мекеменин басма сөз кызматы аталган завод 1994-жылы мыйзамсыз менчиктештирилгенин, заводдо 30% мамлекеттин үлүшү болгон жерлери менен чогуу алынганын билдирди. Маалыматка ылайык, 30 жыл аралыгында заводду менчиктеп алган "АООТ-Исфана" компаниясы мамлекетке эч кандай дивиденд төлөп берген эмес. Читать дальше...

Бишкек шаардык мэриясы каттамдан чыгарылган 52 троллейбус электробус болуп кайра жасалып чыга турганын билдирди. Бул тууралуу калаа мэринин орун басары Жамалбек Ырсалиев 13-январда “Биринчи радиого” берген маегинде айтты. “Бишкек шаардык кеңешинин токтомунун негизинде троллейбустарды Ош шаарына бергенбиз. Андан калган 52 троллейбусту электробус кылып жасоого даярдык көрүп жатабыз. 2017-жылы чыгарылган троллейбустар буга ылайыктуу экен. Аларга батерейка коюп, түз айдалып, бардык жерге жеткенге аракет кылабыз”, - деди Ырсалиев. Читать дальше...

Улуттук банк насыялардын пайызын чектөөнү сунуштады. Мекеме билдиргендей, коммерциялык банктар кредиттердин үстөгүн каалашынча койгондуктан, ал 30%дан ашып кетти. Былтыр депутаттар да насыяларды мамлекет бекитиши керектигин айтышып, ал сунуш Жогорку Кеңеште каралып жатат.