Новости за 09.05.2022

Прага шаарынын кеңеши советтик маршал Иван Коневди ардактуу жарандыгынан ажыратууну чечти. Бул чечимди башкалаанын парламенти жактырууга тийиш. Конев ардактуу жарандыкты 1945-жылдын июнь айында алган. Маршалдын кол астындагы армиянын бөлүгү ошол жылы 9-майда Прагага кирген. Маркумду жарандыктан ажыратуу демилгесин мэр Зденек Хржиб көтөргөн. Мэр 1945-жылкы окуяларды тарыхый контексттен алып кароо керек, Чехословакиянын бийлиги көп жыл бою Коневди Праганын бошотуучусу катары атаган вариантты гана таанып келген деп эсептейт. Читать дальше...

Президент Садыр Жапаров Дача СУдагы учак кырсыгын иликтөө ачык болушу үчүн коомдук комиссия түзүлөрүн билдирди. Беш жылдан бери коомчулукта “жүктүн ээси ким болгон жана мыйзамдуу ташылып баратканбы” деген суроолор ачык бойдон турат. "Иликтөө начар жана жай жүрүп жатат" Мамлекет башчы Садыр Жапаров 8-майда Фейсбуктагы баракчасында Июнь окуясы жана Дача СУдагы учак кырсыгы жөнүндө билдирүү жарыялады. Анда президент Июнь окуясы боюнча иликтөө жакында сотко өтөрүн жазып, ал эми учак кырсыгы начар жана жай иликтенип жатканын билдирди. Читать дальше...

9-май Жеңиш күнүнө арналган көк бөрү боюнча республикалык мелдеште Жогорку лигада Чүйдүн “Сары-Өзөн” командасы жеңүүчү болду. Баткен облусунун Халмион айылында өткөн финалдык беттеште чүйлүктөр Таластын “Ынтымак” командасы менен беттешти. Оюндун негизги убакыты 1:1 эсебинде тең чыгуу менен аяктады. Кошумча берилген 10 мүнөттө жеңүүчү аныкталбай, буллитте Чүйдүн оюнчулары алдыга чыгып, жеңишке жетишти (2:1). Ушуну менен 3-жолу катары менен көк бөрү боюнча республикалык турнирлерде аталган командалар финалда беттешти. Читать дальше...

Гонконгдун администрациясын шаардын коопсуздук кызматынын жетекчиси Жон Ли башкармай болду. Ал жекшемби күнү атаандашсыз өнөктүктө шайлоочулар коллегиясынын 99 пайыз добушун алды. "Кытайдын өзгөчө макамга ээ району эми бийликтин зулумчул ыкмасына ого бетер туш болот", - деп билдирди укук коргоочу Натан Лоу CNN телеканалына. Ансыз да акыркы жылдарда Бээжин шаардын автономиясын улам-улам чектеп келатат. Ли өкмөткө каршы акцияларды басууну, катышуучуларды куугунтуктоо ишин жетектеген, 2019-жылы экстрадиция тууралуу мыйзамды сүрөөнгө алган. Читать дальше...

Экинчи дүйнөлүк согушка аксылык Абас Момунов да барган. Жашы 100гө таяп калган ардагердин баскан турганы тың. Жеңиш майрамында Абас Момуновго райондук бийлик машине белек кылды.

Кыргызстанда 4-апрелден бери 142 автомектеп текшерилип, алардын ичинен талапка жооп бербеген 18и жабылды, дагы 47сине айып салынды. Ички иштер министрлигинин Жол кыймылынын коопсуздугун камсыздоо башкармалыгы текшерүүдө 13 эле автомектеп лицензиянын талаптарына жооп берери аныкталганын билдирди. Расмий маалымат боюнча Билим берүү жана илим министрлиги баш-аягы 272 автомектепке лицензия берген. Буга чейин айдоочуларды окутуу үчүн уруксат кагаздарын Билим берүү министрилиги берип келсе, былтыр... Читать дальше...

Бээжинде COVID-19 илдетине каршы чаралар күчөтүлдү. 22 миллион жашоочусу бар шаар тургундарына үйлөрүнөн иштөө көрсөтмөсү берилди, бир катар кан жолдор, парктар, турак жай комплекстери жабылды, айрым автобус каттамдары токтоп турат. Муну менен бирге бийлик тест тапшырууну күчүнө киргизди. Дүйшөмбүдө Кытай башкалаасында коронавирустун өлкө ичинде тараган дагы 49 учуру катталды. 22-апрелден бери вирус жугузгандар 760 кишиден ашты. Шанхайда дагы 322 кишиден вирус табылганы, 3 жарым миңден ашуун кишиде COVID-19дун белгилери байкалбаганы менен... Читать дальше...

Европа биримдиги 8-майдагы жыйында Орусияга каршы жаңы санкциялар тууралуу мунасага келе алган жок. Венгрия, Грекия жана Кипр орус мунайына эмбарго салууга каршы болду. Бул тууралуу бир катар маалымат агенттиктери өз булактарына таянып билдиришти. Санкциялардын 6-пакетинде орус мунайын сатып алууга жана ташууга тыюу салуу каралган. Бирок 2024-жылга чейин орус энергия булактарына көз каранды Венгрия, Чехия жана Словакияга импортко уруксат берилмек. Будапешт бул жетишсиз чара деп, башка өлкөлөрдөн... Читать дальше...

10-майда Кыргызстандын аймагында түнкүсүн жаан-чачын жаабайт. Күндүз Чүй, Талас, Жалал-Абад, Баткен облустарынын көпчүлүк аймактарында, Ош, Ысык-Көл, Нарын облустарынын кээ бир райондорунда жаан жаап, бийик тоолуу жерлерде кар жаайт. Чүй, Талас, Жалал-Абад, Баткен облустарынын кээ бир райондорунда жаан-чачын катуу жаайт. Батыш тараптан келген шамалдын ылдамдыгы секундасына 4-9 метрге, күндүз кээ бир райондордо 15-20 метрге жетет. Абанын температурасы: Чүй облусунда түнкүсүн 14...19, күндүз 24…29; Талас жергесинде түнкүсүн 11...16... Читать дальше...

Бишкекте "Өлбөс полк" жүрүшү башталды. Анын катышуучулары шаардын "Түштүк дарбазасына" топтолуп, Байтик баатыр көчөсү менен Жеңиш аянтына чейин жөө барышты. Ал жерде өлкө жетекчилигинин катышуусунда согушта курман болгондор эскерилди.

Экинчи дүйнөлүк согуштун бүткөнүнө 77 жыл толду. Адамзат тарыхындагы эң көп кыргын алып келген алааматтын кесепети азырга чейин унутула элек. Анын ичинде дайынсыз кеткен, туткунга түшкөн жоокерлердин көбүнүн тагдыры азыркы күнгө чейин белгисиз. Акыркы жылдары көптөгөн аскердик архивдер интернетте ачык жарыяланып, дайынсыз кеткен чоң ата, таятасын, жакынынын дарегин, кандай шартта курман болгонун билүүгө кызыккандар көп. Изилдөөчүлөр Экинчи дүйнөлүк согуш жылдарында төрт жарым миллиондой советтик аскердин дайынсыз кеткенин белгилеп жүрүшөт. Читать дальше...

Кыргызстанда фашизмге каршы согушка катышкан ардагерлер элүү чакты гана адам калганын бүгүн 9-майда “Азаттык” радиосуна Эмгек, социалдык камсыздоо жана миграция министрлиги билдирди. Мекеменин 1-апрелге карата маалыматы боюнча, согуштун катышуучулары 49 адам, майыптык алгандар 19, концлагердин туткундары 10 жана Ленинградда камоолдо болгондор 14 адам калган. 1941-1945-жылдары фашизмге каршы согушка Кыргызстандан 365 миң адам катышкан, алардын 114 миңи кайтпай калган. (RK)

Бишкектин Жеңиш аянтында бүгүн 9-майда Улуу Жеңиштин 77 жылдыгына арналган митинг-реквием өттү. Ага мамлекет башчысы Садыр Жапаров, Жогорку Кеңештин төрагасы Талант Мамытов, экс-президент Сооронбай Жээнбеков, Министрлер кабинетинин төрагасынын биринчи орун басары Арзыбек Кожошев баштаган бийлик өкүлдөрү катышты. Өз сөзүндө президент Жапаров “Ата-бабаларыбыздын бүткүл адамзатты фашизмдин туткунунан куткарып, өз өлкөсүнүн жана жер шарынын элдеринин бактысы үчүн курман болгондугун эч ким, эч качан унутпайт. Читать дальше...

102 жаштагы Бедел Максутов Кара-Суу районундагы көзү тирүү жалгыз ардагер. Ал Экинчи дүйнөлүк согушка өтө жаш кезинде барып, кан күйгөн майданга катышкан.

Жайыл районунун тургуну, ардагер Виктор Стерликов согуш башталган 1941-жылы болгону 13 жашта эле. Атасы кан майданга кетип, кайтпай калганда үч карындашы, апасын карап калган үйдөгү жалгыз уул болгон. 17 жашка толгондо кызыл армиянын катарына кошулуп, жапондор менен урушка катышкан.

Өзбекстанда прокурордун жардамчысы 50 миң долларлык пара алып жаткан жеринен кармалганын 9-майда “Азаттыктын” өзбек кызматы («Озодлик») өз булактарына таянып жазды. Маалыматка караганда, окуя 29-апрелде борбор калаа Ташкенттин Үчтепе районунда болгон, бирок расмий органдар бул боюнча азырынча комментарий бере элек. Райондук прокурордун жардамчысын Мамлекеттик коопсуздук кызматынын өкүлдөрү колго түшүргөнү, атайын кызматка бетон завод иштеткен ишкер кайрылганы, андан пара талап кылып жатышканын айтып даттанганы кабарланды. Читать дальше...

Грузияга караштуу жикчил Түштүк Осетияда 8-майда президенттик шайлоонун экинчи айлампасы өттү. Аймактын азыркы жетекчиси Анатолий Бибилов оппозициянын лидери Алан Гаглоевге утулганын моюнуна алды. Бибилов шайлоо алдында Орусияга кошулуу тууралуу референдум өткөрүүнү сунуш кылган. Анын атаандашы Түштүк Осетиянын көз каранды эместигин колдогон партиянын өкүлү. Шайлоонун биринчи айлампасы 10-апрелде өткөн. АКШ, Евробиримдик жана Грузия бул добуш берүүнү мыйзамсыз деп атап, жыйынтыгын тааныбай турганын билдиришкен. Читать дальше...

Кыргыз-өзбек чек ара маселеси боюнча кезектеги сүйлөшүү Өзбекстандын аймагында өтөрүн өкмөттүн басма сөз кызматы билдирди. Мекеменин маалыматына караганда, 5-7-майда Бишкекте өткөн эки тараптуу жолугушууга өкмөттүк делегациялар катышып, ортодогу мамлекеттик чек ара тилкесин демаркациялоо  боюнча уюштуруу-укуктук маселелер талкууланды. 5-майда өзбек чек арачыларынын огунан Ала-Буканын үч тургуну каза болгон. Алар атасы жана эки уулу экени аныкталган. Өзбекстандын чек ара өкүлүнүн маалыматына караганда... Читать дальше...

Бүгүн 9-майда Баткенде Улуу Жеңиш күнүнө карата уюштурулган көк бөрү боюнча республикалык мелдеш жыйынтыкталат. 2-майда башталган, отуздан ашык команда катышкан, жалпы байге фонду 3,5 миллион сомду түзгөн оюндардын Жогорку лигадагы таймашынан кийин жеңүүчүлөргө сыйлык тапшыруу аземи өтөт. Көк бөрүдөн тышкары Салбуурун оюндары, эр эңиш, кыз куумай, тыйын эңмей, эр сайыш мелдештери да болот. 1941-1945-жылдары фашизмге каршы согушка Кыргызстандан 360 миңдей адам катышкан, алардын 90 миңден ашыгы фронтто курман болгон. Читать дальше...