Новости за 06.09.2021

6-сентябрда Тажикстандын парламентинин төмөнкү палатасы түрмөдөгү миңдеген адамга мунапыс бере турган мыйзам долбоорун жактырды. Башкы прокурордун орун басары Дилшод Талбакзода парламентте билдиргендей, мунапыска 16 миң киши илинет жана алардын 10 700дөйү кылмыш жоопкерчилигинен толук бошотулат же аларга козголгон кылмыш иши жабылат. Ошондой эле 5300 адамдын абактагы мөөнөтү кыскарат. Бул мунапысты тажик президенти Эмомали Рахмон өлкө эгемендигинин 30 жылдыгына карата сунуштаган. "Мунапыс жөнүндө" мыйзамга ылайык... Читать дальше...

31-августта Анкаранын Кечиөрен аймагында орнотулган Манастын айкели ачылды. Ачылышка Кечиөрендин мэри Тургут Алтынок, Кыргызстандын Түркиядагы элчиси Кубанычбек Өмүралиев жана эл аралык уюмдардын өкүлдөрү, кыргызстандыктар катышты.

Франциялык белгилүү киноактёр Жан-Поль Бельмондо 88 жашында көз жумду. Бул тууралуу "Франс-пресс" жаңылыктар агенттиги 6-сентябрда актёрдун адвокатына шилтеме кылып кабарлады. Актёрдун өлүмүнө эмне себеп болгону айтыла элек. Бельмондо 1950-жылдары калың элге тааныла баштаган. Ал 1950-60-жылдардагы француз кинематографиясындагы жаңы толкундун көрүнүктүү өкүлү катары мүнөздөлүп келет. Актёр 26 жашында Жан-Люк Годардын "Акыркы дем" аттуу фильминде Мишел Пуакар аттуу ээнбаш жигиттин ролун ойноп, бүтүндөй дүйнөгө атагы чыккан. Читать дальше...

Ушул күндөрү Татарстандын Казан шаарында өтүп жаткан алгачкы КМШ оюндарында спорттун көреш түрүнөн (Бел боо күрөшүнүн бир түрү) кыргызстандык балбандар бир күмүш, төрт коло байгеге ээ болушту. Мелдештин расмий сайтындагы маалыматка таянсак бүгүн, 6-сентябрда Кыргызстандын эсебине күмүш байгени Арсланбек Турдубеков (120 кг) алып келди. Коло байгелерге Баяман Мыктыбеков (100 кг.), Нурканат Кайыпбердиев (65 кг), Бекмамат Бейшенов (70 кг) жана Бакберди Мирсланбеков (85 кг) ээ болду. Арсланбек Турдубеков (+100 кг... Читать дальше...

Иран бийлиги Тегерандын өзөктүк программасы боюнча эл аралык келишимди кайра жандантууну көздөгөн Венадагы сүйлөшүүлөрдү улантат. Бул тууралуу Ирандын Тышкы иштер министрлигинин басма сөз катчысы Саид Хатибзаде 6-сентябрда билдирди. "Биз сүйлөшүүлөрдү жакын арада сөзсүз улантабыз", - деди Хатибзаде. Андан бир күн мурда Ирандын президенти Ибрахим Раиси менен француз лидери Эммануэл Макрон телефон аркылуу сүйлөшүп, өзөктүк келишим маселесин талкуулашканы кабарланган. IRNA маалымат агенттиги жазгандай... Читать дальше...

Кыргызстанда парламенттик шайлоого даярдыктын кезектеги этабы башталды. Таласта милиция секелек кыздарга ыдык көрсөтүлгөн окуяны териштирип жатат. Ооганстанда "Талибан" Панжшерди ээлегенин билдирди, Масуддун күчтөрү ал маалыматты четке кагууда.

“Аялдардын тилектештиги” аттуу лидер аялдардын курултайынын экинчи айлампасы 7-сентябрда Ошто өтөт. Облуста түрдүү багыттарда жигердүүлүк көрсөтүп келе жаткан айымдар өлкөдөгү социалдык-экономикалык жана саясий өзгөрүүлөрдү, кыз-келиндердин коомдогу ордун жана ролун талдашат. Жыйынтыгында резолюция кабыл алынып, өлкө жетекчилигине гендердик теңчиликке жетишүү, аялдар лидерлигин өнүктүрүү үчүн татыктуу шарт түзүү боюнча реалдуу кадамдарды жасоого чакырык жасалат. Курултайдын биринчи айлампасы 25-августта Чүй облусунда болгон. Читать дальше...

2014-жылы Украинанын чыгышында малайзиялык учактын кыйрап түшүшүнө шектелип, сыртынан айып тагылган төрт кишинин Нидерланддын Гаага шаарында өтүп жаткан сотунда жабырлануучулардын жакындары көрсөтмө бере баштады. Бул окуяда атасынан жана өгөй апасынан ажыраган Риа ван дер Стин 6-сентябрда жабырлануучулардын атынан биринчи болуп сөз сүйлөдү. Ал Москваны учактын кыйрашына байланыштуу далилдерди жаап-жашырган деп айыптады. "Алар калп айтып жатышат. Биз алар жалган сүйлөп жатканын билебиз. Алар... Читать дальше...

Манасчы Дөөлөт Сыдыков Москва шаарында беш күн, беш түн “Манас” айтуусун жыйынтыктады. Бул тууралуу манасчынын жубайы, режиссёр Ырыс Окенова "Фейсбуктагы" баракчасына жазды. Сыдыков жалпысынан 111 саат Манас айткан. Иш-чара Москвадагы кыргыз диаспорасы менен Кыргызстандын Орусиядагы элчилигинин колдоосу менен өткөн. Манасчы Дөөлөт Сыдыков бул жолу да Гиннестин рекоррддор китебине катталууга аракет кылып жатат. Ал буга чейин 2020-жылы 12-ноябрда өз өнөрүн Гиннестин рекорддор китебине каттатуу... Читать дальше...

Ооганстандын Панжшер аймагындагы "Улуттук каршылык көрсөтүү фронтунун" лидери Ахмад Масуд элди "Талибанга" каршы көтөрүлүүгө чакырды. Масуддун мындай мазмундагы аудио кайрылуусу 6-сентябрда жарыяланды. Анда Масуд оогандарды куралдуу күрөш же демонстрациялар аркылуу талибдерге каршы турууга үндөгөн. "Биздин мекендештер, кайда болбогула, өлкөнүн ичиндесиңерби же сыртындасыңарбы, биз силерди мекенибиздин намысы, эркиндиги жана абийири үчүн жалпы көтөрүлүштү баштоого чакырам", - деп айткан Масуд. Читать дальше...

Жекшембиде Шинжаңдагы абалды иликтеген Евгений Бунинге Казакстанга кирүүгө тыюу салынды. Теги орусиялык изилдөөчү бир ай Бишкекте тургандан кийин Алматыга учуп барган. Кытайдын Шинжаң уйгур автоном районундагы лагер жана түрмөлөрдүн курмандыктары жөнүндө маалымат топтоп жүргөн изилдөөчү Евгений Бунинге Казакстанга беш жылга чейин кирүүгө тыюу салынды. Ал бул тууралуу ишемби күнү кечинде “Фейсбуктагы” баракчасына жазды. Анда Бунин Алматыга Бишкектен учуп келгенин белгилеген. “Мага Казакстанга кирүүгө беш жылга тыюу салынды. Читать дальше...

Футболчу 1982-жылдын 17-мартында Лиондогу ооруканалардын биринде тизесине операция жасалып, дарыгерлердин шалаакылыгынан улам комага түшкөн.

Президент Садыр Жапаровдун жарлыгы менен Бактыбек Бекболотов Кыргызстандын коргоо министри болуп дайындалды. Бул тууралуу президенттин расмий сайтына жарыяланды. Жаңы коргоо министри Бактыбек Бекболотов тууралуу ачык булактарда маалымат аз. Ал 2008-2009-жылдары Улуттук гвардиянын башкы штабынын жетекчисинин биринчи орун басары болуп иштеген. Бекболотов буга чейин "Бишкек машина куруу заводу" ачык акционердик коомунун башкармалыгынын жетекчиси болуп иштеп келген. Расмий маалыматка ылайык, мурдагы... Читать дальше...

Парламенттик шайлоого карата чет мамлекеттерде 60тай добушкана ачуу каралып жатат. Бул тууралуу тышкы иштер министри Руслан Казакбаев 6-сентябрда Борбордук шайлоо комиссиясынын (БШК) жыйынында билдирди. Буга чейинки шайлоолордо 48 шайлоо тилкеси ачылган эле. Деген менен четтеги кыргызстандыктардын шайлоого аз катышуусу өңдүү маселе бар жана адатта консулдук каттоого байланыштуу нааразылык көп. Тышкы иштер министрлигинде парламенттик шайлоого байланыштуу атайын штабы түзүлдү. Министр Руслан Казакбаев... Читать дальше...

Кыргызгидрометтин кабарлашынча, 7-сентябрда өлкөдө күн ачык болот. Батыштан соккон шамалдын ылдамдыгы секундасына 4-9 метрге чейин жетет. Абанын температурасы: Чүй облусунда түнкүсүн 14...19, күндүз 31…36; Талас жергесинде түнкүсүн 7...12, күндүз 29…34; Баткен, Ош, Жалал-Абад дубандарында ​түнкүсүн 15…20, күндүз 31…36; Ысык-Көл облусунда түнкүсүн 7…12, күндүз 24…29; Нарын облусунда түнкүсүн 5…10, күндүз 25…30; Бийик тоолордо түнкүсүн -3…2, күндүз 11…16; 7-сентябрда Бишкек шаарында жаан-чачын күтүлбөйт. Читать дальше...

Ош шаардык мэриясына Марс Исаев биринчи вице-мэр, Сонунбек Жунусбаев вице-мэр болуп дайындалды. Мындай буйрукка калаа башчысы Алмаз Мамбетов 6-сентябрда кол койду. Марс Исаев Ошто ишкер катары таанымал. Ага бир нече кафе-ресторан жана курулуш тармагында иш алып барган ишканалар катталган. Андан сырткары шаардагы "Изюм" рестораны ага таандык. Исаев Ош шаардык кеңешинин VI чакырылышынын депутаты болгон. Ал эми Сонунбек Жунусбаев үч айлык сыноо мөөнөтү менен Ош шаарынын вице-мэри болуп дайындалды. Читать дальше...

Жамааттык коопсуздук келишими уюмунун Кыргызстанда өтө турган "Рубеж-2021" аскердик машыгуусуна Тажикстандын өкүлдөрү катышпайт. Бул тууралуу бүгүн, 6-сентябрда Парламенттин Эл аралык иштер, коргоо жана коопсуздук комитетинин жыйынында коргоо министринин орун басары Нурлан Кирешеев депутат Анвар Артыковдун суроосуна жооп берип жатып билдирди. Анын себеби айтылган жок. Кирешеев кыргызстандык аскерлер жакын арада Тажикстанда өтө турган кезектеги машыгууга бара турганын кошумчалады. Комитет жыйынында депутаттар ЖККУнун ролу... Читать дальше...

"Талибан" кыймылынын жоочулары Ооганстандын Мазари-Шариф шаарында акцияга чыккан аялдардын тобун күч менен таратты. Бул тууралуу митингдин уюштуруучуларынын бири Шакоуриех Рахими "Эркин Европа / Азаттык" радиосуна билдирди. Анын айтымында, 6-сентябрда ондогон адамдар "Талибан" бийликке келгенден кийин аялдардын укуктарынын сакталышын жана алардын жаңы өкмөткө кошулушун талап кылып, акцияга чыгышкан. Бирок жоочулар митингдин катышуучуларын, анын ичинде акцияны чагылдыруу үчүн келген журналисттерди сабап, демонстрацияны күч менен тараткан. Читать дальше...

Кыргызстанда мөмө-жемишти кургатуу жана кайра иштетип, таңгактоо талапка жооп бербей турганы айтылып келет. Бул көйгөйдү кантип чечсе болот? Дегеле Кыргызстандын экологиялык жактан таза азыктарын дүйнөлүк базарга чыгарууда кандай талаптарды эске алуу зарыл? Кыргыз коомундагы туура тамактануу адатын кантип калыптандыруу керек? Тамак-аш жаатындагы адис, Германиядагы Дрезден техникалык университетинин илимий кызматкери Жамила Сманалиева менен маекти сунуштайбыз. - Жамила айым, жаңылбасам июнь айында... Читать дальше...

Чет өлкөлөрдөгү кыргызстандыктардын парламенттик шайлоодо добуш берүүсүн камсыз кылуу максатында добушканалардын санын көбөйтүү пландалып жатат. Бул тууралуу Борбордук шайлоо комиссиясынын 6-сентябрындагы отурумунда тышкы иштер министри Руслан Казакбаев маалымдады. Тийиштүү мамлекеттерден оң жооп алынса шайлоо участокторунун саны 48ден 57ге көбөйүшү ыктымал. "Кээ бир мамлекеттерден уруксат алынса, айрымдарынан жооп али ала элекпиз. Бул маселе чечилди дегенге жатпайт. Мурдагы шайлоо участокторунан... Читать дальше...

Жаңы изилдөө коомдук пикирге таасир этүүнү көздөгөн орусиячыл топтор (троллдор) Батыш өлкөлөрүндөгү бир катар белгилүү маалымат каражаттарынын сайттарын бутага алганын көрсөттү. Улуу Британиядагы Кардифф университетинин Кылмыштуулукту жана коопсуздукту изилдөө институту мындай изилдөөсүнүн тыянагын 6-сентябрда жарыялады. Ага ылайык, орусиячыл троллдор Батыш маалымат каражаттарына жарыяланган макалалардын алдында Орусиянын кызыкчылыгын алга сүрөгөн комментарийлерди калтырып турушат. Ошондой эле... Читать дальше...

Кыргызстандын экологиялык жактан таза азыктарын дүйнөлүк базарга чыгарууда кандай талаптарды эске алуу зарыл? Бул суроого тамак-аш жаатындагы адис, Германиядагы Дрезден техникалык университетинин илимий кызматкери Жамила Сманалиева менен маекти сунуштайбыз.

Кыргызстанда 100дөн ашуун диний билим берүү мекемеси иштейт. Бул тууралуу бүгүн, 6-сентябрда Кыргызстандын муфтийи Замир Ракиев президент Садыр Жапаров менен жолукканда айтты. "Ислам дини толеранттуулукка, сабырдуулукка, айкөлдүккө чакырат. Бул багытта Кыргызстан мусулмандар дин башкармылыгынын ролу өтө чоң. Мына ушул жаатта башка жамааттардын башын бириктирип, аалымдар жана казылар менен бирге иш алып баруу зарыл", — деп белгиледи Садыр Жапаров. Мамлекет башчы ошондой эле, диний билим берүүнүн сапатын арттыруу зарылдыгын айтты. Читать дальше...

Казакстанда 6-сентябрдан тарта COVID-19га каршы эмдөөдөн өтпөгөн жарандар жумушка киргизилбейт. Бир нече күн мурда Казакстандын башкы санитардык дарыгери кол койгон токтомго ылайык, мындай эреже ден соолугуна байланыштуу вакцина сайдырууга болбой турган жана акыркы үч айдын ичинде коронавирус менен ооруп айыккан жарандарга тиешелүү эмес. Калган эмдөөдөн өтпөгөн кызматкерлер жумушка келүү үчүн жумасына бир жолудан ПЧР-тест тапшырып турууга милдеттүү болушат. Мындай талапты негизинен кызмат көрсөтүү... Читать дальше...