Новости за 29.07.2019

Нигериянын түндүк-чыгышында “Боко харам” радикал тобунун согушкерлери тажыядан кайтып келаткан адамдарга кол салып, кеминде 65 киши каза болду. Дагы 11 киши жараат алганын жергиликтүү бийликтин өкүлү Махаммед Булама билдирди. Кол салуу 27-июлда "Боко харам" активдүүлүк кылган Борно райнонунда болгон. Эки апта мурда тургундар ушул райондо бул топко буктурма уюштурган. Буламанын айтымында, анда 11 согушкер өлтүрүлгөн. Жергиликтүү тургундардын жана күч түзүмдөрүнүн белгилешинче, радикал топтун мүчөлөрү... Читать дальше...

Москвада полиция оппозициячыл саясатчы Алексей Навальный жаткан оорукананын алдына чогулган анын тарапташтарын кармап кетти. Журналисттердин айтымында, 20дай киши кармалды. Саясатчынын штабы автозакта кеминде 12 киши болгонун билдирүүдө. Алардын арасында журналисттер, “Дождь” телеканалынын кабарчасы да бар экени белгилүү болду. “Медиазона” Коррупцияга каршы күрөшүү фондунун юристи Александр Помузаев, сүрөтчү Георгий Марков кармалганын жазды. Фоторепортер пресс-картасы болгонуна карабай аны уруп-сабап, полиция фотокамерасын сындырганын айткан.

Жалал-Абад облусуна караштуу Сузак райондук соту Жогорку Кеңештин мурдагы депутаты Музаффар Исаковдун ишин кайра карай баштайт. Бул тууралуу Жалал-Абад облустук сотунун басма сөз кызматы кабарлады. Буга чейин Сузак райондук соту 15-июлда Жогорку Кеңештин мурдагы депутаты Музаффар Исаковду жана аны менен кошо айыпталып, беш жылга соттолгон эки адамдын бөгөт чарасын карап, үй камагына чыгарган. Бул чечим Жогорку соттун ишти кайра кароо тууралуу 3-июлда чыгарган бүтүмүнүн негизинде кабыл алынган.... Читать дальше...

Кыргызстандын намысын жалпысынан 25 балбан коргойт. Алардын сегизи кыздар.

Бүгүн, 29-июлда Нарындын Кочкор районунда мурдагы премьер-министр Сапар Исаковду колдоо митинги өтөт. Бул тууралуу мурдагы президент Алмазбек Атамбаевди колдогон Кыргызстан Социал-демократиялык партиясы кабарлады. Митинг Исаковдун туулган күнүнө байланыштуу уюштурулуп жатат. Буга чейин Кочкордо Сапар Исаковду коргоо боюнча штаб ачылган. Сапар Исаков Бишкек Жылуулук электр борборун (ЖЭБ) модернизациялоодогу жана Улуттук тарых музейин оңдоп-түзөөдөгү жемкорлукка тиешеси бар деп, 2018-жылы камалган. Читать дальше...

Кыргызстандын жана алыскы-жакынкы чет өлкөлөрдүн кол өнөрчүлөрү катышкан “Оймо” фестивалы ушул жума Ысык-Көлдүн Чолпон-Ата шаарында уланат. Борбор азиялык кол өнөрчүлөрдү колдоо ресурстук борборунун жетекчиси, фестивалдын уюштуруучусу Динара Чочунбаеванын айтымында, быйыл кол өнөрчүлөрдүн колунан жаралган жаңы дизайндагы буюмдар сунушталууда. 25-июлда Бишкекте башталган иш-чарага Кыргызстан, Казакстан, Тажикстан, Ооганстан, Өзбекстан, Грузия, Орусия, Индия, Иран өлкөлөрүнөн келген кол өнөрчүлөрдүн көргөзмөсү уюштурулду. Читать дальше...