Новости за 16.07.2019

Бишкек-Ош жолунун Маданият-Жалал-Абад бөлүгүндөгү 67 чакырымга созулган жолдун курулушу токтоп калды. Евразия өнүктүрүү банкынын каржылоосунда азербайжандык “Азвирт” компаниясы курулушта иштегендерге май айынан бери айлыгын бере электигин ошол жерде иштегендер кабарлашты. Учурда компания 400дөн ашуун жумушчуларга 600 миң долларга жакын акча карыз. “Азвирт” компаниясынын Кыргызстандагы филиалынын директору Низами Гараисаев ишкана азыр каржылык оор кырдаалда турганын айтты. Транспорт жана жолдор... Читать дальше...

Орусиянын адам укуктары боюнча ыйгарым укуктуу өкүлү Татьяна Москалькова жана Украинанын Жогорку Радасынын адам укуктары боюнча ыйгарым укуктуу өкүлү Людмила Денисова 16-июлда жолугуп, бөтөн аймакта абакта отурган өз жарандарын бошотуу маселесин талкуулашты.  Маалыматтарга караганда, Денисова Орусияда камалган украиндер 150 киши экенин билдирген. Москалькова Украина түрмөлөрүндө канча орусиялык бар экенин так айткан эмес.  Омбудсмендер жарандарын өз мекенине кайтаруунун «жол картасын» түзүп,... Читать дальше...

Ысык-Көлдө 15-июлда дайынсыз жоголгон казак жараны аман-эсен табылды.  Ысык-Көл районунун акими Данир Иманалиев билдиргендей, казакстандык 53 жаштагы жаран 16-июлда Кара-Ой айылындагы "Алтын-Көл" пансионатынан табылган.  Ал ушул эле кыштакта көлгө скутер айдап кеткен бойдон дайыны чыкпай, куткаруучулар жана жергиликтүү бийлик өкүлдөрү суудан издеп жаткан эле. Аким аны менен жолугуп, окуянын чоо-жайын аныктай турганын айтты. (KS)

Тажик бийлиги абакта каза болгондорго ууланган нан кандайча жол менен жеткени тууралуу суроого жооп бере элек.

Жогорку сот «Ата Мекен» партиясынын түрмөдөгү лидери Өмүрбек Текебаев жана мурдагы элчи, экс-министр Дүйшөнкул Чотоновдун ишин жаңы ачылган жагдайларга байланыштуу кароону 21-августка жылдырды. Жогорку Кеңештеги «Ата Мекен» фракциясынын төрагасы Алмамбет Шыкмаматовдун айтымында, судья жараяндын жылышын иштин көлөмү чоң экени менен түшүндүргөн. Бүгүнкүгө белгиленген соттук териштирүүгө партиянын айрым мүчөлөрү, «Ата Мекен» фракциясынын депутаттары, айыпталуучулардын жакындары гана киргизилип, журналисттер менен айрым тарапкерлер сыртта турду.

Президент Сооронбай Жээнбеков мурдагы экономика министри Олег Панкратовду өзүнө кеңешчи кылып дайындады. Жарлыкка 16-июлда кол коюлганын мамлекет башчынын басма сөз кызматы билдирди.  Панкратов 2018-жылдын жазында экономика министри болуп дайындалган. 2019-жылдын февралында өкмөт башчы Мухаммедкалый Абылгазиев милдетин аткаруудагы кемчиликтери үчүн ага сөгүш берген. 24-майда Панкратов арыз жазып, отставкага кеткен. "Азаттыкка" бул тууралуу комментарий бергенде "Көп сын-пикирлер болгондуктан, ушундай чечим кабыл алдым",- деген. Читать дальше...

Ирандын тышкы иштер министри Мухаммад Жавад Зариф Тегерандын тандоосу ар кандай кысымдарга каршылык көрсөтүү деп NBC News телеканалына берген маегинде билдирди.

Өзбекстан менен Ооганстандын өкмөттөр аралык биргелешкен комиссиясынын соода-экономикалык алгачкы жыйыны 17-июлда Ташкент шаарында өтөт.

Пакистанда жалпыга маалымдоо каражаттарынын кызматкерлери цензурага, аскердик жана коопсуздук кызматтарынын басым-кысымына, журналисттердин ишсиз калышына, бюджет кыйла кыскарып, мунун айынан бир топ ай маяна ала ала албай жатканына нааразы. Буга байланыштуу 16-июлда Журналисттердин кесиптик кошуунунун демилгеси менен жер-жерлерде нааразылык акциялары өттү. Кошуундун жетекчиси Афзал Батт мындай митингдер каршылык кыймылынын башталышы гана деп эскертти: "Бүгүнтөн баштап биз журналисттердин укугун коргоо кыймылын баштайбыз. Читать дальше...

Украинада эми украин тилине бардык тармактарда артыкчылык берилиши шарт. Мамлекеттик тилди колдонууну чектегендер жоопко тартылат. Түркияда мамлекеттик төңкөрүш аракетинин үч жылдыгын эскерип жатышат. Ингушетияда жерди коргоп чыккан активисттер камала баштады. Криминалга байланышы бар деген шектен улам өзбекстандык Гафур Рахимов Эл аралык бокс федерациясынын президенттигинен биротоло кетти.

Зайырбек Ажыматовдун буга чейин үч ыр китеби чыккан. Ушу тапта төртүнчүсүн чыгаруунун камылгасын көрүп жүрөт.

Австриянын Юстиция министрлиги украиналык олигарх Дмитрий Фирташты АКШга экстрадициялоого макул болду. Өткөн айда өлкөнүн Жогорку соту Фирташты АКШга жөнөтүү тууралуу чечим кабыл алган. Мыйзамга ылайык, мындай чечимди ишке ашыруу үчүн Юстиция министрлигинин макулдугу керек. Австриянын бийлиги Фирташты 2014-жылы АКШнын өтүнүчү менен камакка алган. Ал курамында титаны бар кенди иштетүүгө лицензия алуу максатында индиялык аткаминерлерге пара берген деп айыпталып жатат. Олигархтын адвокаттары болсо... Читать дальше...

Өкмөттүн Жогорку Кеңештеги өкүлү Ашырбек Темирбаев 66 жаш курагында каза болду. Бул маалыматты өкмөттүк аппараттын маалыматтык камсыздоо бөлүмүнүн жетекчиси Чыңгыз Эсенгулов «Азаттык» радиосуна ырастады. Маалыматка караганда, Темирбаев Бишкектеги ооруканалардын биринде көз жумган. Ашырбек Темирбаев 1952-жылы 10-октябрда Жалал-Абад облусунун Таш-Көмүр шаарында туулган. 1975-жылы кен инженери адистиги боюнча Фрунзедеги политехникалык институтту, 1990-жылы Ташкенттеги Жогорку партиялык мектепти, 1997-жылы... Читать дальше...

АКШ Бириккен Улуттар Уюмунун Нью-Йорктогу жыйынына катышуу үчүн барган Ирандын тышкы иштер министри Мухаммад Жавад Зарифтин иш сапарына чектөө киргизди. Улуттар Уюму анын жүргөн-турганына чектөө коюлганына тынчсыздануусун билдирди.

Бишкек шаарынын тургуну Лариса Байназарова майыптар үйүндө жашаган үч аялды үйүнө киргизип алган. Убактылуу болсо да майыптар интернатындагы кайталанма жашоодон алыстаган Варвара, Вера, Ирина аларга бир тууганындай кам көргөн Ларисанын үйүндө жашап жатышат.

Азык-түлүк жана айыл-чарба боюнча дүйнөлүк уюм дүйнө жүзү боюнча ачкачылыктан жапа чеккендердин саны 820 миллионго жетерин билдирди.

Сириянын президенти Дамаск АКШнын коркутууларына каршы турууда Тегерандын колдой тургандыгын билдирди.

Жогорку сотто "Ата Мекен" фракциясынын абактагы лидери Өмүрбек Текебаевдин иши каралбай калды.

ИИРдин ТИМ жетекчиси Би-Би-Синин корреспондентине маек берди.

Кыргызстандын мамлекеттик жана саясий ишмери Турдакун Усубалиевдин атын эски аянтка ыйгаруу боюнча Бишкек шаардык кеңешинин токтомунун долбоору коомдук талкууга чыгарылды. Ага ылайык, Бишкек шаарында Орозбеков – Раззаков көчөлөрүнүн чегинде жайгашкан аянтка (Эски аянтка) анын атын ыйгаруу сунушталып жатат. Буга чейин Кочкор районуна жана Бишкектин Киев, Нарындын Ленин көчөсүнө Турдакун Усубалиевдин ысымын берүү тууралуу сунуштар айтылган. Президент Сооронбай Жээнбеков мамлекеттик жана саясий... Читать дальше...

Биринчи май раойндук соту мурдагы судья Элвира Жаркеевага байланыштуу соттук териштирүүнү 19-июлга жылдырды. Буга күбөлөрдүн келбей калганы себеп болду. Башкы прокуратура март айынын соңунда Свердлов райондук сотунун мурдагы судьясы Элвира Жаркеевага айыптоочу бүтүмдү бекиткен. Ага ылайык, Жаркеева “Кызмат абалынан кыянаттык менен пайдалануу”, “Алдамчылык”, “Коррупция” жана “Атайылап акыйкатсыз чечим чыгаруу” беренелери менен айыпталууда. Тергөөнүн божомолу боюнча, Элвира Жаркеева кылмыш тобу менен келишип алып... Читать дальше...

Тажикстандын башкы прокурору Юсуф Рахмон Хожент шаарындагы абактан Дүйшөмбүгө которулганы жаткан 14 адам ур-тепкиден өлдү деген маалыматты четке какты. Ал 16-июлда маалымат жыйында абактагылардын ууланып өлгөнүн соттук-медициналык экспертиза аныктады деп билдирди. Бирок эмнеден ууланганы дагы такталарын кошумчалады: "Соттук-медициналык экспертиза жүргүзүлдү, анда өлгөн адамдардын денесинде ур-тепкиден калган так аныкталган жок. Кылмыш ишиндеги материалдарга ылайык, алар ууланып калганга чейин нан жешкен. Читать дальше...

Эртең, 17-июлда Түштүк Кореянын премьер-министри Ли Нак Ён расмий сапар менен Кыргызстанга келет. Өкмөттүн маалымат кызматы билдиргендей, анын сапары 19-июлга чейин созулат. Сапар алкагында 50дөн ашуун кореялык компаниялардын катышуусунда кыргыз-корея бизнес-форуму, “В2В” түрүндөгү жолугушуулар, эки тараптуу жолугушууларды өткөрүү пландалган. Тараптар соода, айыл чарба, саламаттык сактоо, тоо-кен тармагы, туризм, энергетика, транспорт, текстилдик өнөр жай, маалыматтык технологиялар чөйрөсүндө кызматташууну талкуулашат. Читать дальше...

Орусиянын Ички иштер министрлиги (ИИМ) "Медуза" басылмасынын иликтөөчү журналисти Иван Голуновдун окуясына байланыштуу Москва шаардык полициясынын төрт кызматкерин иштен алды. Бул тууралуу "Интерфакс" маалымат агенттиги ИИМдеги ишенимдүү булактарына таянып кабарлады. Буга чейин президент Владимир Путин Голуновдун ишине байланыштуу полициянын эки генералын - ИИМдин Батыш административдик округу боюнча башкармалыгынын жетекчиси Андрей Пучков менен ИИМдин Башкы башкармалыгынын Баңгизаттарды көзөмөлдөө... Читать дальше...

Өзбекстандык бизнесмен Гафур Рахимов 15-июлда Эл аралык бокс федерациясынын президенти кызматынан биротоло кеткенин билдирди. Ал арызында “саясий негиздеги жалган айыптан" улам атын актоо үчүн түрдүү сот процесстерине катышууга аргасыз болуп жатканын жазды. Быйыл март айында Рахимов федерацияны жетектөөдөн убактылуу четтетилген. Ал федерациянын төрагасы болуп 2018-жылдын 2-ноябрында шайланган. Бирок Эл аралык Олимп комитети Рахимовдун биротоло кызматтан кетишин талап кылган. Аны Кошмо Штаттарынын... Читать дальше...