Новости за 29.01.2021

Сайд-Мухьаммад шайна гина а вац, иза вуй а ца хаьара шайна аьлла цуьнан гергарчара; Холмачалла лелош хилла зуда лаьцна Нохчийчохь; Путин Владимире тешам лахбелла Оьрсийчуьрчу бахархойн

Джумаев Сайд-Мохьмадан, 21 шо долчу Москварчу студентан цIе йоху тахана вуно дукха наха. «Москварчу дуьхьалонан гуламе иза ца ваханехьара, цигахь шена тIе чхьонкарш еттачу полисхошна дуьхьал ца леттехьара…» - иштта олу Iедало лаьцначу кIантанна сагатдечара. Иза шайн лаамехь ца вахана гуламе, шайна муьтIахь хилла вац, аьлла Нохчийчуьрчу гергарчара. Мухха а делахь а, лаьцна Джумаев, тарло набахте хьажо а. Оьрсийчохь дуккха а шерашкахь болх бина волчу, тахана Австрехь вехачу Садаханов Зоврбеке дийхира... Читать дальше...

Нохчийчохь зорбан министр хийцинчул тIаьхьа мехкан куьйгалхочунна Кадыров Рамзанна тIехIуьттучу нехан комментареш алсамъевлла аьлла, дийцина "Кавказский узел" агенталле оппозицин IАДАТ телеграм-канало. Изза дIахьедина нохчийн блогеро Абдурахманов Тумсос а. "Кхузахь цхьа а къайле яц: Нохчийчуьрчу хаамийн гIирсашкахь дIакхайкхийнера, Iедалца йогIуш йоцу ойла мел къадийначунна дуьхьал информацин тIом бийр бу аьлла. Муьлххачу социалан машанехь, муьлххачу информацин ресурсашкахь оцу тIехь къахьоьгуш нах бу... Читать дальше...

Оьрсийн оппозиционере Навальный Алексейгахьа хIоттийначу акцехь омонхошна дуьхьал тийсавелла аьлла, лаьцна Джумаев Сайд-Мухьаммад дIахецар тIедожош Москвахь цхьааллин пикет хIоттийна Пхунтсок Дина дIалаьцнера полицино. Протокол а хIоттийна, кхин а дукха латта а ца еш, маьршаяьккхина хиллера иза Москварчу Тверскойн полицин декъо. ПIераскан дийнахь пикете яьллачу жигархочун карахь плакат хиллера: "Маьршаваккха Джумаев!", "Политикан тутмакхашна маршо ло!", "Бехке мел воцург маьршаваккха!" аьлла, тIеяздина. Читать дальше...

Оьрсийчоьне дIавала тарло Молдавехь веха ГIалгIайчуьра Акиев Руслан. Кавказ.Реалиига бина и хаам Украинан Лакхарчу Радан депутато Шараскин Андрейс. Зуламхойн тобанашкахь лелла а ву, нах тIехь болчу автобусна тIелатар а дина цо бохуш, бехкево иза Оьрсийчуьрчу къайлахчу сервисаша. "Билггал кхерам бу цунна, Молдавехь Iедал а керчина, политикехь хийцамаш боьлхуш лаьтташехь. Къайлаха сервисаш хийцар текхна дIадоьдуш ду, цундела там бу иза Оьрсийчоьне дIавала", - аьлла политико. Ша а, Украинан парламентерчу... Читать дальше...

Президенте Путин Владимире тешам хилар кхин а лахделла Оьрсийчуьрчу бахархошна юкъахь тIаьххьарчу шерачохь, 53 процент ю гойтург. Иштта жамIаш довзийтина "Юкъараллина хетарг" цIе йолчу Фондо (ФОМ). Путинах тешам барах дIахьедина 35 процент респонденташа, кхин а 12 процент ца хIоьттина жоп дала "Президенте Путине тешам бу хьан, йа банне а бац аьллачу хаттарна. Карарчу беттан 22-24-чу дийне кхаччалц кхаа эзар бахархошна юкъахь дIабаьхьна бара и хаттам. Стохкалерачу шарахь а 55 процентал а охьа ца долура Путинах тешашчу нехан терахь. Читать дальше...

ТIаьххьарчу дийнахь-буса Къилбаседа Кавказехь динчу зерашца, коронавирусан уьнах велла 38 дархо, вирус хьакхааелла кхин а 941 стагаца. Оперативан штабан информацица, Краснодаран кIоштахь кхелхина 20 дархо, Дагестанехь- ялх, Ставрополан махкахь виъ, ГIалмакхойчохь а, ГIебарта-Балкхаройчохь а, Нохчийчохь а, ГIалгIайчохь а цхьацца велла. Пандеми яьржичхьана Къилбаседа Кавказехь верриг а велларг ву COVID-19 уьнах 6 865 стаг. ТIаьххьарчу 24 сахьтехь динчу лараршца, Ставрополан махкхаь бу дукха дархой - 231 стаг. Читать дальше...

Холмачалла лелош хилла цо аьлла, меттигера яхархо Махмуева Шема лаьцна Нохчийчохь полицино. Цхьана хIусаман кетIа цо туьханан кана тосучу хенахь видео а яьккхина, лулахоша Iедале хаамбина хилла цунах лаьцна, дуьйцу "Грозный" телеканало. Репортажехь билгалдккхарехь, Махмуевана хетарехь, "бозбунчалаш" а лелийна, шен котамаш яьхьначу лулахочух ларлуш хиллера иза. Махмуеваца лулахь ехачу цхьана зудчо чIагIонаш йо, цо кховдийна Iаж биинчул тIаьхьа, могушалла ийгIина шен аьлла. Холмачалла лелочу зудчо пайдаоьцуш хилла тIулгIех а... Читать дальше...

Еарин дийнахь Анапехь цхьа стаг вуьйш, кхаанна чевнаш еш хиллачу инцидентна бехке ву аьлла хетарг лаьцна. Краснодаран кIоштарчу талламан урхалло бина и хаам. Заря эвларчу цхьана хIусамна гергахь 33 шо долчу зуламхочо тапча йиттинера меттигерчу веа вахархочунна. Кхоъ дарбан цIийне кхачийра, ткъа 34 шо дерг кхелхира. "Интерфаксан" хаамашца,  Заряхь доьдучу тезетахь хилла ю инцидент. Цига баьхкинчу криминалан авторитеташа юкъаметтигаш къесточу заманчохь дов даьллера. Цхьахволчо тапча а яьккхина... Читать дальше...