Новости за 08.04.2020

Нохчийчохь таханенна ву 17 уьнахо, ГIалгIашкара хьал, Магасе сагIа хьажийна нохчийн лоьраша, Минанех цIанъяла гIерта Нохчийчоь (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Нохчийн маттахь хандешан хенаш гайтарца шен-шен кеп ю. Маца яздо тIехьа "а", ткъа маца ца яздо?

Берлинехь Гуьржийчоьнан вахархо Хангошвили Зеламха Оьрсийчоьно вейтинчух тера хета Германин Iедална, зуламна бухахь политика го цунна, хаамбо немцойн коьртачу шахьарахь керланаш даржочу Der Tagesspiegel-о. "Цунах тоьшалла до бундестагерчу «Баьццарчийн» партин чоьхьарчу гIуллакхийн декъан куьйгалхочо Михалич Иренас 2019-чу шеран динчу политикан зуламийн хьокъехь дахьийтинчу кехатна дуьхьал Iедалера кхаьчначу жоьпо. Марсхьокху-беттан 23-чу дийнахь Оьрсийчуьрчу Красиков Вадима Маобит кIоштахь коьртах герз тоьхна вийна Гуьржийчуьра нохчо»... Читать дальше...

Нохчийчохь меттахIоттийна хьаннаш а, хотеш а, доьн латта а тIамах дисинчу герзах цIандар. Кху кIиранашкахь мукъаяьккхина 35 гектар латта. Шо дерззалц толлур ю, кхерамна кIелхьара йохур ю аренашкара кхин а 900 гектар Куьрчалан а, ТIехьа -Мартан а, Серноводскан а, Хьалха-Мартан а кIошташкахь, аьлла Къилба федералан тIеман гонан буьйранчас Дворников Александра. Бечу белхашкахь дакъалоцу Нохчийчохь тIемаш бина а, хIинца цигахь дIасатардина а долчу 58-чу эскаран дакъоша. Оьккху герз лоьху кхузаман техникаца... Читать дальше...

Нохчийчоьнан администрацино коронавирусца къийсам латто оьшу гIирс хьажийна сагIина ГIалгIайчу. Медикаша а, дархоша а вирус яьржинчу хьелашкахь юху бедар а, дарбан хIусамашкахь оьшу гIирс а кхачийна цига Соьлж-ГIалара. Нохчийчоьнан могашаллин министра Сулейманов Элхана бахарехь, халачу хьелашкахь нохчашкара гIалгIашна вежараллин куьг кховдош дина сагIа ду Магасе дIахьажийна кир.

Нохчийчоьнан могашаллин министра Сулейманов Элхана шинарий сарахь довзийтина махкахь ун даржарца долу хьал. Цо бахарехь, 686 вахархо ву лоьрийн Iуьналлехь, уьш массо а бу дозанал арара махка чубаьхкина. «Тхан лабораторехь йинчу анализаша 31 стагаца гайтина вирус, царех 17 стаг цомгуш вуйла хаийтина Москвахь бинчу талламо. Пациенташ вон бац таханенна, цхьаъ воцург – цуьнан 83 шо ду, халачу хьолехь ву иза», - аьлла министра. Сулеймановс бахарехь. оршоьтадийнахь 12 дархо то а велла, араваьлла дарбан хIусамера, ткъа шинарийдийнахь – 3.

Коронавирус лаьцначийн могIарш буьзина ГIалгIайчохь кхин а 18 стага. Йолчу шеконца, лоьраша Iуьналле эцна бара и нах , боху ГIалгIайчуьрчу оперативан штабо. Меттигерчу лабораторехула шозза теллинера и нах, ткъа тахана Москвара кхаьчначу жамIо гойту уьш баккъал а цомгуш хилар. Несарарчу кIоштан дарбан хIусамехь Iуьллу 20 стаг. Халачу хьолехь ву царех 1 – пехашна шина а агIор пневмани йолу 67 шо кхаьчна вахархо.

Тахана кхин а цхьана стагаца ун гучудаьлла Дагестанехь. Верриг а коронавирус кхеттарг ву, могашаллин урхаллаша бахарехь, 44 стаг. Товелла царех 4, дарбан хIусамашкахь ву 40. Тесташ эцна махкахь 3640 вахархочуьнгара. Оцу нах карантинехь ву 2183 стаг, цара вирус лаьцна хила тарло, боху Роспотребнадозоран махкарчу векалша.

Оьрсийчоьнан премьер-министра регионийн хьаькамашка луларчу мехкашкара богIу некъаш дIа ма къийла аьллехь а, Кадыров Рамзана чIагIдина латтадо Нохчийчоьнан доза. Мишустин Михаилна гарехь, регионерчу куьйгалхочо федералан бакъонаш шега дIаэцар ду иза. Ткъа Нохчийчоьнан куьйгалхочо ша къам Iалашдеш «дерриг а дийр ду», боху шен Телеграм-каналехула.

Москварчу референс-центрна коронавирус карийна Къилбаседа ХIирийчуьра кхаьчначу 6 тестаца. Оцу хьокъехь хаамбина махкарчу Роспотребнадзоран декъо. Верриг а 15 стаг ву ХIирийчохь уьнах цомгуш. "Кавказ.Реалиина" БуьритIерачу орцан медицинан клиникехь еллачу информацица, 17 стаг ву лоьрийн Iуьналлехь, церан тесташ теллинчу Оьрсийчоьнан уьнна дуьхьалоечу институто 11-нна тIе ца чIагIдина  коронавирусах цхьакхаелла хилар. 6 стаг ву БуьритIерачу дарбан хIусамехь Iуьллучу бахархойх пехийн пневмони йолуш, халачу хьолехь. Читать дальше...

Материал кечйинарг "Кавказ.Реалиин" автор Пейсахова Анна  Австрехь ехачу Оьрсийчоьнан яхархочун Маркова Ольгин гIуллакх толлур долуш ду Нохчийчуьрчу Шелан кхелехь. Шен 10 шо долу Ясин а, 9 шо долу Ильяс а шен хIусаме верзо гIерта иза. 2014-чу шарахь шина кIентан дас, Нохчийчуьра схьаваьллачу Магомадов Сайд-Хьасана, нене хаьттина хIума а доцуш, шина кIантаца жимма волавала воьду ша аьлла, иза Iеха а йина, Брегенц гIалара дIавигинера и шиъ. Шен дай баьхначу Дубин-Эвлахь ваха хиира иза. ХIетахь дуьйна нанна я гина а... Читать дальше...