Новости за 04.04.2020

Нохчийчохь кхин тӀе 4 лаборатори кечйина коронавирусна диагностика ян. ТАСС агенталло дийцарехь, цунах лаьцна хаам бина республикан министро Сулейманов Эльхана. Министро дийцарехь, уьш болх бан йолаялийта хIинца лоьрашна оьшуш ю Оьрсийчоьнан индустрин а, махбаран а министралло лур ю аьлла реактиваш. ТIаьххьара болчу хаамашца, Нохчийчохь коронавирус кхетта ву 15 вахархо. Хьалхо хаам бина ма хиллара, цхьаъ велла. Иза яра и кхераме ун кхетта хилла 83 шо долу йоккха стаг.

СаIудийн Iаьрбийн пачхьалкхан арахьарчу гIуллакхийн министралло дIахьедар дина, Оьрсийчоьнан президента Путин Владимира шайн пачхьалкх ОПЕК+ бертана юкъаръяьллера, сланцан мехкадаьтта доккху конкуренташ юкъарабахар Iалашонца алар бакъдоцург ду аьлла. Цунах лаьцна хаам бо Маршо Радион Оьрсийн сервисо. Цуьнах лаьцна хаамашна комментари еш, министро принца Аль Сауд бен Фархан Фейсала дIахьедар дина, "цу дешнашкахь цхьаъ бакъдерг дац" аьлла,- хаам бо Arabnews зорбан гIирсо.   Министро билгалдаьккхина... Читать дальше...

Нохчийчохь коронавирусан ун кхеттачу нехан терахь алсамдаьлла. Роспотребнадзоро бинчу хаамца и вурс хьакхаелла хилар гучудаьлла кхин а 3 стагананна. Цу кепара церан терахь ду 15-тта. Карарчу хенахь Нохчийчохь дарбан цIийнехь болчерах 2 стаг волчу хьолехь ву, боху лоьраша. Нохчийчоьнан могушаллан министро Сулейманов Эльхана меттигерчу телеэфирехь къамел деш хаам бина ма хиллара, бисинчу дархойн хьал цхьана эшшара ду. Цо дийцарехь, кхин а 28 стаг ву и цамгар хьакхаелла хила мега аьлла шеконехь.

Коронавирус хьакхаелла ши стаг вочу хьолехь ву Нохчийчохь. Бисинчу дархойн хьал цхьана эшшара ду, дийцина меттигерчу телеэфирехь Нохчийчоьнан могушаллан министро Сулейманов Эльхана. Цо бинчу хаамца, карарчу хенахь лабораторехь тIечIагIдина COVID-19 ун кехтта ву республикехь 12 стаг. Кхин а 28 стаг ву и цамгар хьакхаелла хила мега аьлла шеконехь.

Американ президенто Трамп Доналда дIахьедар дина, коронавирус яржар лахдар Iалашонца мехкан бахархошна медицинан йоцу масканаш шайн лаамехь лело хьехар дина хиларх лаьцна. Ша иза лелор яц, аьлла Трампа. "Аш лело мегар ду иза, амма шу декхарелахь дац иза дан", - аьлла Американ президенто. Трампа билгалдаьккхина цу сацамо юхайоккхуш ца хилар вовшна дукха юххе ца гIертаран кеп.

Йолах пайда эца еллачу хIусамийн мах долахашка охьабаккхийта некъаш лахар тIедожийна Кадыров Рамзана коронавирусан ун республикехь даржарца къийсам латточу каде штабана. Цунах лаьцна яздина Нохчийчоьнан куьйгалхочо, "ВКонтакте" социалан машанехь.   "Йолах пайда эца еллачу петарийн мах долахоша охьабаккхарх лаьцначу хаттарна тIехь болх бар тIедожийна ас", - яздина цо. Цул сов, Кадыровс билгалдаьккхина Нохчийчохь ша-тайпа тидам тIебахийтина хилар, бIаьстенан аренан белхаш дIабахьарна. Цо дийцарехь... Читать дальше...

Нохчийчоьнан куьйгалхочо Кадыров Рамзана харцдина республикехь "коментадантан сахьтан" раж юкъаяьккхина хилар. Цо дийцарехь, урамашна дезинфекци ян цо юкъаяьккхинарг ю дIасалелар дехкаран раж. "Яздо, оха комендантан сахьт кхайкхийна бохуш. ХIан-хIа! Оцу тайпа роль тхайна тIе ца оьцу оха. Оха юкъаяьккхинарг ю "ДIасалелар сацоран" раж, буьйсанна гIала а, ярташ а цIанъян а, дезинфекци ян а. Республика дIачIогIуш ю муьлхха а транпортана. Транзитан машенаш федералан трассехула чекхйовла бакъо йолуш ю хьалха санна. Читать дальше...