Новости за 13.11.2019

Хьашт яц Člověk v tísni, Аминин цIе лелор ю урамо, Некъ цхьаъ, мехаш шайн-шайна.

Шема чу боьду некъ болучул а бахбелла Оьрсийчуьрчу эскархошна (нохчий а бу царалахь) – ма-хуьллу сиха хьаьвдда йоьлху, тIедеттачу тIулгийн гIара а эцна, церан машенаш. …Ткъа Москвахь а, Соьлж-ГIалахь а Iедалхоша дуьйцург кхин ду – шемахой хьагна бу, боху цара, Кремлца тасаделла гергарло чIагдаларх, совдаларх. Ткъа видеоно гойту оцу «гергарлонан» мах.

"Цхьааллин Оьрсийчоь" фракцин декъашхочо Госдуман депутато Петров Александара видеокхайкхам дIаязбина Кадыров Рамзанан тидам тIеберзош. Цу тIехь цо баркалла аьлла Нохчийчоьнан куьйгалхочун дуьненаюкъарчу политикехь кхиаме къахьегарна. Цунах лаьцна хаам бо Dumatv.ru сайто. Шен кхайкхамехь Петровс дуьйцу, ша хIинцца СаIудийн Пачхьалкхара цIавеана хиларх а, ша цецваьлла хиларх а меттигерчу журналашкахь а, газеташкахь а Кадыровн сурташ дукха хиларна а, ткъа иштта меттигерчу бахархоша Нохчийчоьнан лидер лоруш хиларна а. Читать дальше...

Гуьмсан кIоштарчу Герзель-аулехь керла тIай схьадиллина Нохчийчоьнан а, Дагестанан а дозанехь. Аксай хинна 10 метр тIехула тесначу тIайн йохалла ю 227 метр, ткъа шоралла ю цуьнан 25 метр.   Керла тIай дан долийнера стохка Стигалкъекъа-беттан 18-хь дуьйна.

Садовская Алёна 2008-чу шарахь Краснодар-махкарчу цхьана вахархочунна йиттира полисхоша, и Iазап лардеш цуьнан исс шо долу йоI латтара аьлла а доцуш. Гиначо лачбаьккхина беран кхетам, йоккха хилча а ца даьлла цуьнан иэс ирчачу суьртах мукъа – Европан кхеле а яьлла, цигахь тоьлла иза. …Оцу дийнахь Тупсера вахархо шен йоI школера цIайига вахана машенахь. ЙоI машена чу яьлла, яланза а йолуш, тIехьалхинчу наха, когаш тIера охьа а вожийна, ирча йиттина цунна. ТIаьхьа гучудаьлла цунах леттарш наркоманаш лоьцу полисхой хиллийла а... Читать дальше...

Соьлж-ГIалара Москва кеманан билеташ луларчу ГIалгIайчохьчул хаъал деза хиларан бахьана къастор тIедожийна Нохчийчуьрчу Iедало Федералан антимонополин сервисан меттигерчу урхаллана, хаам бо "Нохчийчоь тахана" агенталло. Цунах лаьцна хаам бинчу Нохчийчоьнан экономика кхиоран министро Идрисов ИбраьхIима дийцарехь, кеманан билетийн мехаш цу кепара хила йиш яц, дIасалеларан хьелаш цхьатерра хилар а, некъахой дIасалелориг изза компани хилар а тидаме эцча муххале а.   Соьлж-ГIалара Москва а, Несаран... Читать дальше...

Окуева Аминин сий деш цуьнан цIе тиллина Киеверчу Шевченкон кIоштарчу керлачу урамна. Цунах лаьцна хаам бина Киеван гIалин пачхьалкхан администрацино. Иза яра украинахойн лор а, юкъараллан жигархо а, эскархо а, Сий Лардо Революцин а, Украинин малхбалерчу тIеман а декъашхо а, аьлла ду цу хаамехь. "Евромайдан йолаяларца Амина Викторовна дIакхийтира цуьнан декъашхойх, иза лор яра 8-чу "ОвхIанан бIаь" олучу тобанан. Украинин малхбалехь тIом боьдуш «Киев-2» батальонан тIемалошна юкъахь Окуевас дакъалецира Дебальцево Iалаш еш хиллачу тIамехь... Читать дальше...

Урдунерчу Сухне юьртарчу Вайнах Iананах стохка хилла графикан дизайнер-профессионал, бакалавр ю иза оцу шен говзаллехь. Цуьнан кхоллараллин коьрта тема ю нохчийн къам. Шен белхийн масийтта гайтам а хIоттийна Iанана Урдунехь – Iаьрбаша хазахеташ тIеоьцу, бIешарахь, шайна тешаме а болуш, шайца мерза бехачу нохчийн аматаш.

Ярташкахь болх бечу зударийн белхан де дацдарх лаьцначу низамна кIел куьг таIийна Оьрсийчоьнан президенто Путин Владимира. И документ арахецна шинарин дийнахь бакъонех лаьцначу хаамийн интернет-портало, хаам бо РИА Новости агенталло.   ТIеэцначу низамца а догIуш, юьртахь къахьоьгучу зударийн белхан хан сов ялийта магош дац кIиранах 36 сохьтал а, алапа хьалха хиллачу барамехь а дуьтуш. ХIинццалц ярташкарчу зударийн двцдина белхан де хиларан бакъо тIечIагIйина яцара федералан низамца.

Оьрсийчоьнан юстицин министралло шайн махкахь хила ца оьшучу вовшахтохараллашна юкъатоьхна Чехера Iедалшца йоьзна йоцу гIо-накъосталлан тоба Člověk v tísni (Адам баланехь, Человек в беде). Цунах лаьцна хаам гучубаьлла цу министраллан сайта тIехь. Člověk v tísni дуккха а шерашкахь болх бина ю Нохчийчохь а, ГIалгIайчохь а. Дийцарехь, цу вовшахтохараллана Оьрсийчу некъ бихкина "Оьрсийчоьнан Федерацин махкахойн коьрта адамийн бакъонаш а, маьршонаш а талхорна декъахь болчу нахана Iаткъам барх" (О мерах воздействия на лиц... Читать дальше...