Новости за 03.08.2018

Tахана Iуьйранна Oмскан кIоштарчу колонера хаам кхаьчна, Буданов Юрий вийна аьлла чувоьллина Темерханов Юсуп набахтин дарбанан хIусамехь кхелхина аьлла. Оцу сингаттаме хаамо арадаьккхина эзарнашкахь адам ду Гелдаганахь Темерханов ваьхначу кертахь хIоьттинчу тезета тIетаттаделла. Маршо Радион ладогIархоша яийтинчу видеош тIехь наха дуьйцу Темерханов Юсуп кхалхар шайна дагахкхетта хиларх лаьцна. Иштта мехкан тезет хIоттаза дукха хан яра Нохчийчохь, бохуш комментареш юьту Гелдаганахь хIоьттина сурт гиначара.

Маршо Радионо бовзуьйту таханлера боцца хаамаш

Iамеркера пастор Брансон Эндрю лацарца иккхина дов дIадерзо дагахь бу Туркойчоьнан куьйгалхой. Цунах лаьцна дIахьедар дина туркойн арахьарчу гIуллакхийн министро Чавушоглу Мевлюта, Цхьаьнатоьхначу Штатийн пачхьалкхан секретарца Помпео Майкца шен хилла цхьаьнакхетар дIадирзинчул тIаьхьа. Дагадовларш хилла Сингапурехь, Къилба-Малхбалерчу Азера пачхьалкхийн бертан форум дIайоьдучу декъана. Iамеркан пачхьалкхан департаментехь дIахьедар дина Туркойчоьнца дагадовларш дIадахьа дагахь ду шаьш аьлла, хаам бо Reuters. Читать дальше...

Буданов Юрий верна чувоьллина Темирханов Юсуп велла Омскан кIоштарчу колонехь. Цунах лаьцна "Маршо Радион" корреспонденте хаам бина цуьнан гергарчара. Темирханов чувоьллинера, 15 шо хан а тоьхна. Цуьнан шичас дийцарехь, тутмакх кхелхина набахтан клиникехь.

Буданов Юрий верна чувоьллина Темерханов Юсуп велла Омскан кIоштарчу колонехь. Цунах лаьцна "Маршо Радион" корреспонденте хаам бина цуьнан гергарчара. Темерханов чувоьллинера, 15 шо хан а тоьхна. Цуьнан шичас дийцарехь, тутмакх кхелхина набахтан клиникехь.

Iамеркин къайлахчу сервисо бакъ ца до шайн Москох йолчу векалаллехь 10 сов шарахь болх беш Оьрсийчоьнан шпион хилла бохург.  Шайн дипмиссехь болх беш хиллачу зудчо Оьрсийчоьнан лерринчу сервисашца юкъаметтигаш лелор цуьнан белхан декхар дара, боху Iамеркин векалша. Къайлахчу сервисо чIагIдо, Оьрсийчоьнан махкахочуьнан аьтто бацара къайлаха хаамашна тIекхача бохуш.    Iамеркин Москох йолчу векалаллехь, могIарера болх беш ю а бохуш, 10 сов шарахь шпионаж лелош хилла Оьрсийчоьнан шпионо аьлла... Читать дальше...

Товбецан-бутт болалуш Оьрсийчоьнан президенто Путин Владимира тIе куьг таIийнера Пачхьалкхан Думо тIеэцначу доза хадо оьшучу паспортах а, машен лело бакъо лучу кхузаманахьлерчу кехатех а лучу ахчанан барам алсамбаккхарх лаьцначу низамна. Иза болх бан доладелла кху баттахь дуьйна. Керлачу низамца а догIуш, махкал араволучу кхузаманахьлерчу паспортан мах бу 5000 сом. Цу тайппа берашна лучу паспортах доккху 2500 сом. Пластикан машенлелорхочуьнан кехатан мах бу 3000 сом. Ткъа транспортана регистраци... Читать дальше...

Соьлж-ГIалахь нехан доларчу хIусамехь къола дарна шеко йолуш 28 шо долу жима стаг лаьцна хилла полицин белхахоша талор дар толлуш, хаам бо chechnyatoday сайто. Цуьнан цIе йоккхуш яц. Талламхоша левеш иза къера хилла ша нехан чуваьлла хиларна. Жимачу стага дийцарехь, Соьлж-ГIалахь Николаевн урамерчу нехан доларчу хIусамера цо дIаяьхьна 600 эзар сом а, "Асер" ноутбук а, хIусамден куьйгахдоьхку механа деза сахьт а. Таллам дIабирзича кхел йир ю талорхочунна.

Байначу беттан тIаьххьарчу дийнахь овхIанхойн карабахна «Исламан пачхьалкх» шех олучу тобан декъашхой, Къилберчу Джаузджан провинцин Шибарган олучу метте дехьа баьхна. Цигахь къевлинчу территорехь латтош бу уьш. Маршо Радион корреспондентан аьтто белира цу кертахь видео яккха.

Нохчийчохь Гезгмашин-беттан пенси дIалур ду хенал хьалха, хаам бо "Чечня сегодня" агенталло. Иза доьзна ду ГIурба дерца. Цу хьокъехь Нохчийчоьнан куьйгалхочуьнга Кадыров Рамзане оьшуш долу кехат хьажийна республикан пенсийн фондан куьйгалхочо Ахмадов Мохьмад-Эмина. Цо дийцарехь, федералан центро къобалдина ГIурбанан де даздан нехан аьтто хилийта Гезгмашин-баттахь (Сентябрь) дIогIаш долу пенсеш кху баттахь дIадалар. Ахмадовс бинчу хаамца, ахча дIадала долор ду кху Марсхьокху-беттан (Август) 15-чу дийнахь дуьйна.

Iамеркин Москох йолчу векалаллехь 10 сов шарахь, болх беш ю а бохуш, шпионаж лелош хилла Оьрсийчоьнан шпион. Цунах лаьцна яздо Британерчу The Guardian газето, шайн лерринчу сервисерчу хьастана тIе а тевжаш. Iамеркин дипломатин миссехь болх бинчу белхахочуьнан цIе йоккхуш яц. ЧIагIдеш ду и зуда балха эцна хилар Iамеркан къайлахчу сервисо. Цу зудчуьнан тIекхча аьтто хилла векалаллан чоьхьарчу зIенна а, электронан почтана а. Газетана хетарехь, шпионна хууш хилла къайлах болу хаамаш, шайна юкъахь президентан Трамп Доналдан а... Читать дальше...