Новости за 11.02.2018

Оьрсийчоьнан Талламан комитетан куьйгалхочо Бастрыкин Александара вуно мехала гIуллакхаш толлучу урхаллина тIедиллина Подмосковьехь хилла бохам таллар. Цунах лаьцна дуьйцуш ду Талламан комитетан пресс-релизехь. Ша Бастрыкин вахана кема охьадоьжначу метте. Цо шен куьгалле оьцур ю талламхойн тоба. ТIехь 71 адам долу Орске доьду Ан-148 некъахойн кема доьхна кIирандийнахь Подмоковьерчу Раменски кIоштахь, Домодедово аэропортера гIаьттина масех минот ялале. Адамаш делла.

Орске доьду некъахойн кема гIаьттина хилла Домодедово аэропортера. Иза доьхна Подмосковьехь Аргуново эвлан йистехь. Цу тIехь хилла 65 некъахо а 6 стагах лаьтта экипаж а. Уьш берш беллачух тера ду.

Ночхийчу цIайирзина Шемара тIеман полицин батальон. Ах шо даьккхира цара Алеппо гIалахь. Цунах лаьцна "ВКонтакте" хаам бина Нохчийчоьнан куьйгалхочо Кадыров Рамзана. Цо дийцарехь, Нохчийчу юхавирзинарг ву 393 эскархо.

Чиллан-бутт болабелчхьана, тIеман кеманаша бомбанаш а, ракеташ а йиттина, 1000 сов маьрша адам дийна Шемахь. Цунах лаьцна дуьйцуш ду Цхьаьнакхеттачу Къаьмнийн Воашахтохараллан дIахьедарехь. ДIадаханчу кIиранах цу махкахь вийна 300 гергга маьрша вахархо. Царах дукхахберш байина Оьрсийчоьно гIо деш йолчу Шеман тIеман кеманаша тохарш а дина. Цхьаьнакхеттачу Къаьмнийн Вовшахтохараллан адамийн бакъонашкахула йолчу Кхеташоно чIагIдарехь, иза уггаре а кIоршаме еана хан ю, Шемахь 2011-чу шарахь тIом болабелчхьана. Читать дальше...

Киеван кIоштарчу Борисполан кхело 40 денна лаьцна 25 шо долу Нохчийчуьра орамаш долу Бакаев Iела. Оьрсийчоьнан къайлахчу сервисаша иза бехке веш ву Росгвардин эскархой дIатарбеллачу кертана тIелатар дарна. Цунах лаьцна "Кавказ.Реалиина" хаам бина Бакаевн адвокато Красник Станислава. Цо дийцарехь, Бакаев чувоьллина талламан изоляторна.    Бакаев лаьцнера Мисарара цIавогIуш Борисполан аэропортехь. Цуьнан зуда а, бер а чекхдалийтира дозанхоша. Даханчу шеран бIаьста Ноьвр-кIоштарчу Росгвардин декъанна... Читать дальше...

Вуно лакхарчу кхерамазаллин гIулчеш чекхвала везара Грацерчу кхелан гIишло чу пIераскан дийнахь кхача луург. УьйтIахь а, чохь а полицин антитерроран декъан белхахой бара лаьтташ. Карахь масатоьпаш а йолуш, яххьаш туьтмIаьжигашца къайла а яьхна бара уьш. ДегIах хьаьжна а, тIоьрмигаш чохь хIун ду теллина а бен тIехволуьйтуш вацара цхьа а. И башха хьал доьзна дара Грацерчу кхелехь Австрехь уггаре а вевзаш волчу имаман Мирсадан а, Мухьарбек цIе йолчу нохчийн жимчу стеган девнаш юхалуьстуш хиларца. Цхьа шой... Читать дальше...

Туркойн тIеман беркема чудайитина курдийн герзхоша Шемарчу Африн гIалана гергахь. Цунах лаьцна Шоьтан сарахь хаам бина Туркойчоьнан президенто ЭрдохIан Реджепа. Туркойн армин векалша бинчу хаамца, беркемана урхалла деш хилла 2 пилот кхелхина. Курдойн хьастанаша тIечIагIдина беркама чудаийтина хилар. Шен агIор ЭрдохIана билгалдаьккхина, иза хилла "Туркойчоь тIом беш хиларна" аьлла. "Вайн беркема дохо а мега, амма иза динчара мах лур бу шаьш иза дарна", - дIахьедар дина Туркойчоьнан президенто.

Бохам хилла "Кавказ" олучу федералан некъа тIехь, хаам бо "Интерфаксо".  ШаIми-юьртана а, Хамби-ирзина а юкъахь, вуно юькъа дохк хилар бахьана долуш, вовшахкхетта УАЗ а, "Лада-Гранта" а ши машен. "Лада" машенна урхалла деш хилла стаг велла. 10 стаг шайна, юкъахь УАЗ машенлелорхо а волуш, дIакхачийна дабанан хIусаме.