Hamas-forhandlarar held fram våpenkvilesamtalar i Kairo
Forhandlarar frå Hamas skal også vere til stades under den tredje dagen med våpenkvilesamtalar i den egyptiske hovudstaden. Det uttalar ein Hamas-talsmann, ifølge NTB.
Samtalane held fram på tredje dagen, med meklarar frå Egypt og Qatar, oppgjev kjelda tysdag.
Samtalane er eit forsøk på å få på plass ein seks veker lang våpenkvile mellom Hamas og Israel, som kan tre i kraft før ramadan startar.
Det er også venta at utsendingar frå USA skal delta på den tredje dagen med samtalar.
Så langt har ingen forhandlarar frå Israel delteke i denne samtalerunden.