Карачай-Черкас Җәмигъ мәчетен киләсе елда төзеп бетерәчәкләр
(Казан, 2 март, «Татар-информ»). Карачай-Черкас Җәмигъ мәчете бер елдан соң тантаналы рәвештә ачылачак. «Интерфакс» агентлыгы Карачай-Черкас Республикасы башлыгы Рәшид Темрезовка сылтама белән шул хакта хәбәр итә. «Без бер елдан соң – 2022 елның 1 мартында – Черкесск шәһәрендә республика Җәмигъ мәчетен ачарга ниятлибез», - диде ул республикада яшәүчеләр белән оештырылган туры эфир вакытында. Булачак мәчетнең нигезе 2007 елның ноябрендә салынган, бинаны актив төзү эшләре 2001 елның апрелендә башланган. Иман йорты Византия стилендә төзелә, аның һәркайсы 52 метр биеклегендәге дүрт манарасы булачак. Республика Җәмигъ мәчетенең мәйданы 4,2 мең квадрат метр тәшкил итә. Бина 5 мең кешегә исәпләнгән, ә бәйрәм намазы вакытында (аны мәчет ишегалдында да укыйлар) ул 10 меңнән артык мөселманны сыйдыра алачак, диелә хәбәрдә.