На последните протести во Белорусија уапсени 151 лице

Безбедносните сили во Белорусија приведоа повеќе од 150 лица за време на синоќешните протести на кои го повикаа Александар Лукашенка да се повлече, соопшти Групата за човекови права Вјасна. Групата објави имиња на 151 лице за кои рече дека биле приведени во главниот град Минск и градовите Барисау, Хомел, Хродна, Салихорск, Смиловичи, Наваполацк, Брест и други локации.


Беа пријавени маршеви и митинзи во неколку области во Минск, јави Белоруската редакција на РСЕ, а многумина носеа црвено-бели знамиња или транспаренти на опозицијата. Тоа беше 19-та недела по ред на која се одржаа опозициските маршеви во главниот град. Помали протести се одржаа и во други градови низ Белорусија. Белорусија е зафатена од скоро секојдневни протести од почетокот на август кога Лукашенка беше прогласена за победник на претседателските избори, за кои опозициските лидери изјавија дека има недостатоци.