Татарның данлыклы баянчысы Рамил Курамшинга 75 яшь - видео
Бу көннәрдә Татарстанның халык артисты, виртуоз музыкант, татарның данлыклы баянчысы Рамил Курамшинга 75 яшь тулган. Продюсер Рифат Әхмәтов, Илфан Шәехов һәм Түбән Новгород өлкәсенең «Туган як» газетасы баш мөхәррире Олег Әндәрҗанов якташларын котларга дип өенә килгәннәр.
«Татарстанның халык артисты, атаклы музыкант Рамил Курамшин гомер буе татар халкына, мәдәниятенә хезмәт итте. 20 ел буенча Илһам Шакировның төп баянчысы булу үзе генә дә ни тора.
Соңгы елларда нык авырып, урын өстендә ятса да, Рамил абый иҗат турында уйлый, милләтебез өчен борчылып яши.
Әйдәгез, сөекле шәхесебезне юбилее белән бергәләп котлыйк, аңа матур теләкләр юллыйк. Һәрбер теләгегезне аңа түкми-чәчми җиткерермен», - дип Рифат Фәттахов социаль челтәрләрдә.
- Атаклы баянчы Рамил Курамшин тормышыннан 9 кызыклы факт