Ўзбекистон фуқароси Россияда 6 кишини ўлдиришга ҳаракат қилганликда айбланмоқда
Россиянинг Тверь вилоят Тергов қўмитаси Ўзбекистон фуқаросини фуқаровий хотини ва унинг 5 боласини ўлдиришга ҳаракат қилганликда гумонламоқда.
Терговнинг иддао қилишича, Бежец туманида яшаб келган ўзбекистонлик 8 сентябрь куни ароқ ичиб олган ва фуқаровий хотини билан жанжаллашиб қолган. Шундан сўнг у уйдагилар ухлаб қолганидан сўнг уйнинг томига чиқиб, ўт қўйган.
Болалардан бири уй ёнаётганини сезиб қолиб, онаси ва бошқа болаларни уйғотган ва улар ташқарига чиқишган. Уй эса тўлиқ ёниб кетган.
Мазкур ҳодиса бўйича Ўзбекистон фуқароси гумонланувчи сифатида қўлга олинган. Унга нисбатан Россия Жиноят Кодексининг “икки ва ундан ортиқ одамни, жумладан, балоғатга етмаган болаларни барча учун хавфли бўлган восита орқали ўлдиришга ҳаракат қилиш” моддаси асосида жиноят иши қўзғатилган.