РОССИЯЛИК ЭРКАК СОБИҚ ХОТИНИНИ ДЎКОНДА ТИРИКЛАЙ ЁҚИБ ЮБОРДИ… (ВИДЕО)
Перм ўлкасининг Соликамск шаҳрида яшовчи исми-шарифи сир тутилган эркак яқинда хотини ишлайдиган дўконга кириб келди-да, аёлни хоналардан бирига куч ишлатиш йўли билан олиб кирди. Сал ўтмай, хонадан аччиқ тутун ҳиди атрофни тутди. Олдин эркак, кетидан олов исканжасидаги собиқ хотини чопиб чиқди. Маълум бўлишича, эркак собиқ хотинини тириклай ёқиб юборган экан. У қилар ишни қилиб номаълум тарафга қочиб кетган. Оловни эса дўкондаги ҳамкасблардан бири ўчириб, «Тез ёрдам» чақирди. Аёлни оғир аҳволда Вагнер номли касалхонанинг жонлантириш бўлимига ётқизишди. Врачларнинг гапига қараганда, аёлнинг юз қисми тўлиқ куйиб кетган. Куйиш даражаси 35 фоизни ташкил этган. Аҳволи оғир. Аммо ўзи мустақил тарзда нафас оляпти. Яқин вақтлар ичида Пермдаги бошқа касалхонага олиб кетишаркан.
Ҳозирда эркак қўлга олинган. Ушбу факт юзасидан жиноий иш қўзғатилган. Ҳозирча жиноят сабаблари номаълум бўлиб турибди. Аниқки, тергов жараёнида масалага албатта ойдинлик киритилади.