«МЕНГА РАҲМ ҚИЛ, БОЛАМ!..» (ёки худонинг ғазабига муносиб аёл)
Сўнгги хабарларга кўра, Перм вилоятидаги Соликамск шаҳрида яшовчи аёл 90 ёшли туққан онасини ҳар куни квартирада оч ҳолатда яшашга маҳкум этган. Ўзи эса онани уйга қамаб, бир неча кун йўқ бўлиб кетган. Аёл ичкиликка берилган. Ича-ича тўйгач, яна ҳеч нарса бўлмагандек уйига кириб келаверган. Қўшниларнинг айтишича, кампирнинг қизи жуда ифлос ҳаёт тарзини кечираркан. Уйидан ёқимсиз ҳидлар таралишидан ташқари, қанақадир суюқлик нуқул пастки қаватларга оқиб туради. Қизи йўқ бўлиб кетган пайтлар кампир уй ичидан туриб қўшниларни ёрдамга чорлайди. Қўшнилар кампирга ойна орқали ҳеч бўлмаса нон беришга уринишган. Аммо кампир юра олмаслиги сабабли бу ишни амалга оширишнинг имкони бўлмаган.
Маҳаллий ҳокимият вакилларининг гапига қараганда, пиёниста аёл билан полиция кўмагида шуғулланишга кўп уриниб кўришган. Афсуски, аёл уйдалик пайтида ҳеч кимга эшикни очмади. Бунинг устига анчадан бери коммунал тўловларни ҳам тўламай, қарзга ботган.
Энди ижтимоий ҳимоя ташкилотидагилар пиёниста аёлни судга беришга қарор қилишибди.