Новости за 02.03.2017

Ադրբեջանում Միացյալ Նահանգների դեսպան Ռոբերտ Սեկուտան վստահ է, որ Արցախի հակամարտության կարգավորումը կնպաստի տարածաշրջանային կայունությանը:

Ինչպես հաղորդում է APA ադրբեջանական գործակալությունը, այս մասին դեսպանը խոսել է Վաշինգտոնում Ադրբեջանի և ԱՄՆ միջև դիվանագիտական հարաբերությունների հաստատմանը նվիրված կոնֆերանսի ժամանակ:

Անդրկովկասում առկա է ամենաբարդ խնդիրներից մեկը`ղարաբաղյան հակամարտությունը, որը ցանկանում են բորբոքել տարբեր ուժեր։ Այս պահին չի կարելի վերսկսել ռազմական գործողությունները։ Լարվածությունն այժմ շատ բարձր է, հատկապես նախորդ տարվա ապրիլյան իրադարձություններից հետո և ՀՀ–ում ներքաղաքական գործընթացների պատճառով։ Այդ մասին հայտարարել է քաղաքագետ Նիկիտա Իսաևը։

ԱՄՆ–ի պետքարտուղար Ռեքս Թիլերսոնը լիովին աջակցում է Հարավային գազային միջանցք ծրագիրը։ Այդ մասին հայտարարել է ԱՄՆ–ի պետքարտուղարի հատուկ ներկայացուցչի ժամանակավոր պաշտոնակատար Մերի Ուորլիքը`Վաշինգտոնում «ԱՄՆ–Ադրբեջան» համաժողովի ընթացքում, փոխանցում է АПА–ն։

Դարյալի կիրճով գնացող ճանապարհը երկու տարուց դառնալու է չորս ուղի ունեցող. կկառուցվի 30 կմ թունել, որն անմիջապես այնդուրս կբերի դեպի Վերին Լարսի անցակետ։ Այն գործելու է ամբողջ տարին ու նրա թողունակությունը կբարձրանա չորս անգամ։ Երկրորդ`կկառուցվի շրջանցում դեպի Մամիսոնյան կիրճ, կավելացվեն լաստանավերի թիվը Բաթումի նավահանգստում, որոնք կսպասարկեն հայկական բեռները։ Ռոքսիի միջանցքի և Աբխազիայի երկաթգծի վերագործարկումն ես քիչ հավանական եմ համարում։ Այնտեղ առկա են քաղաքական բազմաթիվ հակասություններ։... Читать дальше...

ՀՀ-ում ԱՄՆ դեսպան Ռիչարդ Միլսն այսօր այցելել է Հանրապետական կուսակցության կենտրոնական շտաբ: Հիշեցնենք, վերջին իր հարցազրույցում դեսպանը հայտնել էր, որ մտադիր է հանդիպել քաղաքական ուժերի հետ, որոնք մասնակցություն են ունենալու առաջիկա խորհրդարանական ընտրություններին:

ՀՀ քննչական կոմիտեի Արարատի մարզային քննչական վարչության Մասիսի քննչական բաժնում ձեռնարկված քննչական գործողությունների արդյունքում պարզվել են մարտի 1-ին Մասիսում տեղի ունեցած դանակահարության հանգամանքները, վիճաբանության շարժառիթը. կասկածյալը ձերբակալվել է:

Ադրբեջանի պաշտպանության նախարարության այսօր տարածած տեղեկատվություններն առ այն, թե իբր Մարտունու ուղղությամբ հայկական շտաբ է ոչնչացվել, իսկ Մարտակերտի հատվածում կանխվել է արցախյան կողմի դիվերսիոն-ներփաթանցման փորձը, հորինվածքներ են և իրականությանը չեն համապատասխանում: Այս մասին տեղեկանում ենք Արցախի Հանրապետության ՊՆ-ից:

Ադրբեջանի նախագահի այցն Իրան ունի կարևոր նշանակություն`Մոսկվա–Բաքու–Թեհրան աշխարհաքաղաքական եռանկյունու ամրապնդման տեսանկյունից։ Այդ մասին հայտարարել է Քաղաքական հետազոտությունների կենտրոնի տնօրենի տեղակալ Դարյա Գրեվցովան, փոխանցում է sputnik.az–ը։
Բաքվում Իրանի դեսպան Ջավադ Ջահանգիրզադեն հայտարարել է, որ Իլհամ Ալիևն Իրան կայցելի մարտին։

ՀՀ տրանսպորտի նախարար Վահան Մարտիրոսյանը հայտարարել է, որ վարչապետ Կարեն Կարապետյանի վերջերս Թբիլիսի կատարած այցի ընթացքում համալիր պայմանավորվածություններ են ձեռք բերվել, որոնք ընդգրկում են երկկողմ առևտրա–տնտեսական կապերի ողջ սպեկտրը։

ՀՀ վարչապետ Կարեն Կարապետյանի գլխավորած կառավարական պատվիրակությունը մարտի 6-7-ը պաշտոնական այցով կմեկնի Ղրղզստանի Հանրապետություն (Բիշքեկ): Այդ մասին ՀՀ վարչապետի որոշումը տեղադրված է կառավարության e-gov.am կայքում:

Եվրոպայի խորհուրդը (ԵԽ) քննադատել է Թուրքիային՝ կապված լրագրողների եւ պատգամավորի ձերբակալությունների հետ: ԵԽ գլխավոր քարտուղար Թորբյորն Յագլանդն իրավիճակը ծայրահեղ է կոչել: Այս մասին հաղորդում է DW-ն:

Ազգային Ժողովն այլևս նախընտրական ռեժիմում է, ինչը նշանակում է, որ առաջիկա ամիսը պատգամավորները օրենսդիր գործունեությամբ զբաղվելու փոխարեն կզբաղվեն բացառապես ընտրական գործընթացներով: Առաջին ծիծեռնակը՝ ԱԺ այսօրվա նիստը չկայացավ քվորում չապահովելու պատճառով և երեք ժամ անց երկրորդ փորձը կարվի նիստ գումարելու, եթե այդ ընթացքում պատգամավորները ժամանեն խորհրդարան:

Մարտի 1-ին և լույս 2-ի գիշերը արցախա-ադրբեջանական հակամարտ զորքերի շփման գծում հակառակորդը ականանետերից, նռնականետերից ու տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է ավելի քան 100 անգամ՝ հայ դիրքապահների ուղղությամբ արձակելով շուրջ 1200 կրակոց:

VERELQ-ը ներկայացնում է հայաստանյան մամուլի այսօրվա ամենաուշագրավ հրապարակումները:

Մարտի 1-ին՝ ժամը 11:25-ից սկսած, հակառակորդը շարունակել է արցախա-ադրբեջանական հակամարտ զորքերի շփման գծում 60 և 82 միլիմետրանոց ականանետերից, հաստոցավոր հակատանկային (ՀՀՆ-9) ու ենթափողային (ԵՆ-25) նռնականետերից խախտել հրադադարի պահպանման ռեժիմը՝ հայ դիրքապահների ուղղությամբ արձակելով 10 արկ. տեղեկացնում են Արցախի Հանրապետության պաշտպանության նախարարությունից։

«Իսկանդեր» օպերատիվ-մարտավարական հրթիռային համալիրների ներկայությունը կայունացնող դեր է խաղում տարածաշրջանում ուժերի ռազմաքաղաքական հավասարակշռությունն ապահովելու հարցում: Այս մասին Gazeta-ին տված հարցազրույցի ժամանակ հայտարարել է Արցախի Հանրապետության նախագահ Բակո Սահակյանը:

Բացառված չէ, որ մինչև տարեվերջ առնվազն մեկ երկիր կճանաչի Լեռնային Ղարաբաղի անկախությունը: Այս մասին Ստեփանակերտում լրագրողների հետ ճեպազրույցում հայտարարել է ՀՀ արտաքին գործերինախարար Էդվարդ Նալբանդյանը: