Մարկո Ռոյսի վնասվածքը հաստատվել է
Դորտմունդի «Բորուսիայի» գերմանացի հարձակվող Մարկո Ռոյսն անցել է բուժզննում:
27-ամյա ֆուտբոլիստը վնասվածք էր ստացել Գերմանիայի Գավաթի եզրափակչի` «Այնտրախտի» հետ խաղում:
Դորտմունդցիների պաշտոնական կայքը հաղորդել է, որ 25-ամյա ֆուտբոլիստի մոտ ախտորոշվել է ծնկի խաչաձև կապանների մասնակի կտրվածք: Ռոյսը բաց կթողնի մի քանի ամիս:
Հիշեցնենք, որ Ռոյսը վնասվածքների պատճառով բաց է թողել ԱԱ-2014-ը և Եվրո-2016-ը: