Բոսնիա և Հերցեգովինայում մտադիր են տեղադրել Մելանյա Թրամփի հուշարձանը
Բոսնիա և Հերցեգովինայում ցանկանում են հուշարձան տեղադրել ԱՄՆ առաջին տիկին Մելանյա Թրամփի պատվին:
Ինչպես տեղեկացնում է Gazeta.ru-ն` վկայակոչելով տեղի լրատվամիջոցը, նման առաջարկով հանդես է եկել «Բեմա» գործարանի տեխնիկական բաժնի տնօրեն Մարինկո Ումիցևիչը: Նա առաջարկել է հուշարձանը տեղադրել գործարանի շենքի դիմաց:
Աղբյուրի տվյալներով` Ումիցևիչն արդեն ընտրել է զգեստն ու կոշիկները, որոնք կրելու է «քարե Մելանյան»: Արձանը կկերտվի բնական չափսերով:
Քանդակի օգնությամբ Ումիցևիչը ցանկանում է ներդրում ունենալ Միացյալ Նահանգների հետ բարեկամական հարաբերություններ կառուցելու գործում, ինչպես նաև գրավել Մելանյային` Բոսնիա և Հերցեգովինա այցելելու համար: