Է. Նալբանդյանը Արաբական լիգայի գլխավոր քարտուղարի հետ մի շարք հարցեր է քննարկել
Փետրվարի 17-ին Հայաստանի արտգործնախարար Էդվարդ Նալբանդյանը Մյունխենում հանդիպել է Արաբական պետությունների լիգայի գլխավոր քարտուղար Ահմեդ Աբուլ-Ղեյթին, տեղեկացնում է ՀՀ ԱԳՆ մամուլի ծառայությունը։
Հանդիպմանը հանգամանալից անդրադարձ է արվեց Հայաստանի և արաբական պետությունների միջև համագործակցությանը։ Երկուստեք նշվել է հայ-արաբական հարաբերությունների ավանդական ջերմ բարեկամական բնույթը։
Զրուցակիցները մտքեր են փոխանակել Մերձավոր Արևելքում տեղի ունեցող զարգացումների, սիրիական ճգնաժամի կարգավորման ուղղությամբ գործադրվող ջանքերի, ահաբեկչության դեմ միջազգային հանրության պայքարի շուրջ։
Հայաստանի արտգործնախարարն ու Արաբական պետությունների լիգայի գլխավոր քարտուղարը քննարկել են միջազգային հրատապ խնդիրներ։