Ռումինիայի նախագահը հայտարարել է երկրում տիրող քաղաքական «լիակատար» ճգնաժամի մասին
Ռումինիայի նախագահ Կլաուս Յոհաննեսը խորհրդարանում հայտարարել է, որ երկիրը «լիարժեք» քաղաքական ճգնաժամի մեջ է գտնվում:
Ինչպես հայտնում է Gazeta.ru-ն, նախագահը հավելել է, որ բազմաթիվ ռումինացիներ այժմ կարծում են, որ իրենց պետականությունը ոչ ճիշտ ուղղությամբ է շարժվում:
«Ռումինիան թափանցիկ կառավարության կարիք ունի, որի աշխատանքը կանխատեսելի է և թափանցիկ կլինի», - ասել է երկրի ղեկավարը:
Ռումինիայի Սահմանադրական դատարանը փետրվարի 7-ին պետք է սկսի դիտարկել այն հարցը, թե արդյոք օրինական են երկրի Քրեական օրենսգրքում իրականացված փոփոխությունները, որոնք թույլ են տալիս դրամաշորթության համար դատապարտվածներին համաներում ստանալ:
Նախօրեին հաղորդվում էր, որ ավելի քան 300 000 մարդ բողոքի ցույցի էր դուրս եկել երկրի մայրաքաղաք Բուխարեստում, ինչպես նաև այլ քաղաքներում` պահանջելով կառավարության հրաժարականը: Բողոքի ցույցերը երկրում շարունակվում են արդեն մի քանի օր: