Լոնդոնում ՌԴ դեսպանատունը անհեթեթություն է անվանել Թրամփի և Պուտինի հանդիպման մասին տեղեկությունները
Մեծ Բրիտանիայում Ռուսաստանի դեսպանատունը «անհեթեթություն» և «Դոնալդ Թրամփի նախագահությունը տապալելու փորձ» է անվանել Ռեյկյավիկում Ռուսաստանի նախագահ Վլադիմիր Պուտինի հետ ԱՄՆ-ի նորընտիր նախագահի հանդիպելու պլանների մասին Sunday Times-ի տեղեկությունը:
Թերթի տեղեկություններով՝ նրանք պետք է սկսեն աշխատել միջուկային զենքի սահմանափակման մասին պայմանավորվածությունների նախապատրաստության ուղղությամբ աշխատանքը:
Թերթի տվյալներով՝ ԱՄՆ-ի նոր առաջնորդը և նրա անցումային թիմը հայտնել են բրիտանացի պաշտոնյաներին, որ Իսլանդիայի մայրաքաղաքում Պուտինի հետ հանդիպումը դառնալու է Թրամփի առաջին արտասահմանյան այցը:
Sunday Times-ի աղբյուրները, որոնք, ինչպես հայտնում է թերթը, քննարկել են այդ ծրագրերը Լոնդոնում Ռուսաստանի դեսպանատանը, պատմել են, որ Կրեմլը մտադիր է համաձայնել հանդիպման անցկացմանը: