Չինաստանի առաջնության կանոնակարգում ուշագրավ փոփոխություն է կատարվել
Ինչպես տեղեկացնում է Wild East Football-ը, Չինաստանի Սուպերլիգայի կանոնակարգում ուշագրավ փոփոխություն է տեղի ունեցել:
Այժմ խաղադաշտում կարող են լինել երեք լեգիոներներ, իսկ հայտացուցակում ընդգրկվող 18 ֆուտբոլիստներից օտարազգի կարող են լինել միայն հինգը:
Բացի այդ, հայտացուցակում պետք է ընդգրկված լինեն 2 ֆուտբոլիստներ, որոնց տարիքը չի հատում 23-ը: Նրանցից մեկը պարտադիր պետք է լինի թիմի մեկնարկային կազմում:
Վերջին շրջանում Չինաստան են տեղափոխվել բարձրակարգ ֆուտբոլիստներ, ինչպիսիք են Հալկը, Օսկարը, Էսեկիել Լավեսին, Ռամիրեսը, Ջեքսոն Մարտինեսը, Ժերվինյոն, Ակսել Վիտսելը և Կառլոս Տևեսը:
Հիշեցնենք, որ Չինաստանի գալիք առաջնությունը կմեկնարկի մարտի 4-ին: