Սիրեցի Սանդելենդի հետ խաղում Մխիթարյանի գոլը. Ֆորլան
Ուրուգվայի հավաքականի նախկին հարձակվող Դիեգո Ֆորլանը խոսել է իր նախկին թիմի՝ անգլիական «Մանչեսթեր Յունայթեդի» նորեկների մասին։
«Էրիկ Բային տեղափոխվեց իմ նախկին թիմ «Վիլյառեալից» և հեշտ հարմարվեց, այն դեպքում, երբ «Յունայթեդի» երկրպագուների մեծ մասը գրեթե չէր լսել նրա մասին։ Նա ուժեղ է, արագ և բարդ մրցակից ցանկացած հարձակվողի համար, քանի որ ունի շատ լավ որակներ։
Հենրիխ Մխիթարյանից ժամանակ պահանջվեց թիմում ընդգրկվելու համար, սակայն նա հիանալի ֆուտբոլիստ է, թիմին առաջ տանող իսկական ստեղծագործ ուժ։ Սիրեցի նրա կարիճ հարվածով գոլը «Սանդերլենդի» դեմ խաղում։
Ռեկորդային տրանսֆեր Պոլ Պոգբան շարունակում է առաջադիմել, դառնալ Մոուրինյուի մարդը։ Գիտեմ, որ նա իր տարիքի համար չափազանց մեծ փորձ ունի և արդեն թոփ-խաղացող է, սակայն Անգլիայում նա հանդես է գալիս առաջին անգամ։ Հավատացեք ինձ, այն նման չէ ոչ մի այլ առաջնության և ժամանակ է պահանջում հարմարվելու համար։ Պոգբան դառնում է գերակայող, ստեղծագործ ֆուտբոլիստ բազմաթիվ հնարքներով, սակայն նա առաջադիմելու մեծ ներուժ ունի։
Զլատան Իբրահիմովիչը զարմահրաշ է, և շատ ուրախ եմ, որ նա հաջողություն ունի Անգլիայում։ Բազմաթիվ բրիտանացիներ կարծում էին, որ Զլատանը երբեք լավ չի խաղա նրանց թիմերի դեմ։ Այդ քննադատները շատ ավելի լուռ դարձան, երբ Իբրահիմովիչը սկսեց աչքի ընկնել գրեթե ամեն շաբաթ, իսկ վերջին 12 խաղերում խփել է նույնքան գնդակ»,- Ֆորլանը գրել է «The National» պարբերականի իր սյունյակում։