Ես պառկած եմ, ծառայողական մեքենաս կանգնած է. պատգամավորը` իր ծառայողական մեքենայով վրաերթի մասին
Ազգային ժողովի պատգամավոր Տաճատ Վարդապետյանը որևէ կերպ չի մեկնաբանում իր ծառայողական ավտոմեքենայով 14 տարեկան երեխային վրաերթի ենթարկելու փաստը:
«Ես պառկած եմ տանը` սրտի ծանր վիրահատությունից հետո, ծառայողական մեքենաս կանգնած է, օգնականս էլ Դալարիկում է»,- Tert.am–ի հետ զրույցում միայն այսքանն ասաց Տաճատ Վարդապետյանը ու ավելացրեց, որ նման բան չկա։
Նշենք, որ shamsհyan .com–ի տեղեկություններով` դեկտեմբերի 29-ին, Երևանում Տաճատ Վարդապետյանի ծառայողական մեքենայով տեղի է ունեցել վրաերթ-ավտովթար. ժամը 12։30-ի սահմաններում Երևան քաղաքի Ն. Տիգրանյան փողոցում՝ թիվ 27 հասցեի դիմաց, Արմավիրի մարզի Դալարիկ գյուղի բնակիչ, 28-ամյա Արկադի Մկրտչյանն իր վարած Toyota Camry մակնիշի 013 ՕՕ 01 համարանիշի ավտոմեքենայով վրաերթի է ենթարկել հետիոտն՝ Երևան քաղաքի Ավան վարչական շրջանի Խուդյակով 68 շենքի բնակիչ, 14-ամյա Սերգեյ Ղազարյանին: