Գերմանիայի ԱԳՆ-ն ողջունել է Թուրքիայի դեսպանի վերադարձը Բեռլին
Գերմանիայի ԱԳՆ-ն ողջունում է Թուրքիայի դեսպանի վերադարձը Բեռլին և դա կարևոր դրական քայլ է համարում երկկողմ հարաբերություններում: Այդ մասին ասված է ուրբաթ գերատեսչության մամուլի ծառայության տարածած հայտարարությունում, գրում է «ՌԻԱ Նովոստի»-ն:
«Ես ուրախ եմ, որ իմ թուրք ընկերն ու գործընկերը՝ դեսպան Հուսեյն Կարսլըօղլուն, վերջապես վերադարձավ Բեռլին՝ կրկին իր երկիրը Գերմանիայում ներկայացնելու համար… Ես նրա վերադարձն ընկալում եմ այդ թվում նաև որպես երկկողմ հարաբերություններում կարևոր դրական նշան»,- ասված է Գերմանիայի արտգործնախարարության քարտուղար Մարդկուս Էդերերի հայտարարությունում:
Էդերերն ուրբաթ հանդիպում է անցկացրել Գերմանիայում Թուրքիայի դեսպանի հետ։
Թուրքիայի դեսպանը հետ էր կանչվել Բունդեսթագի կողմից այս տարվա հունիսի 2-ին Հայոց ցեղասպանությունը դատապարտող բանաձևի ընդունումից հետո: