Հորդանանի արքայազն իր ուշագրավ լուսանկարներով համալրել է արքայական սրտակերների շարքերը
Հորդանանի արքայազն Ալ Հուսեյն բին Աբդալլահ II-ը, ով ավելի շատ հայտնի է որպես արքայազն Հուսեյն, 798 000 հետևորդ ունի Instagram-ում, և նրա երկրպագուների թիվը գնալով աճում է:
Ինչպես գրում է Daily Mail-ը` հորդանանցի արքայազնին հաջողվել է երկրպագուների առումով շրջանցել նույնիսկ Բրիտանիայի արքայազն Հարիին: Եվ դա շնորհիվ սոցցանցում նրա հրապարակած ուշագրավ լուսանկարների, որոնք բացահայտում են 22-ամյա արքայազնի նախասիրությունները, ունակություններն ու օրվա ընթացքում կատարած աշխատանքը:
Ինչպես երևում է լուսանկարներից արքայազն Հուսեյնը սիրում է մոտոցիկլ վարել, վարժ կատարում է զինվորական պարտականությունները և զբաղվում է հասարակական գործունեությամբ:
Հորդանանի թագուհի Ռանիայի և թագավոր Աբդալլահ Երկրորդի ավագ որդի Հուսեյնը վերջերս է ավարտել Ջորջթաունի համալսարանի (Հարավային Կարոլինա) միջազգային պատմության ֆակուլտետը: