Հայր ու որդի վերադարձել են քաղաքակիրթ աշխարհ` 40 տարի Վիետնամի ջունգլիներում ապրելուց հետո (լուսանկարներ, տեսանյութ)
Հո Վան Թհան անունով տղամարդը և նրա որդին` Հո Վան Լանգը, ովքեր 40 տարի անցկացրել են վիետնամական ջունգլիներում և հետո վերադարձել իրենց հայրենի գյուղը, գնացել են տեսնելու` ինչպիսին է իրենց հին տունը ջունգլիներում, գրում է The Daily Mail-ը:
Նշվում է, որ նրանք ջունգլիներ են փախել վիետնամական պատերազմի ժամանակ (1956-1975)։
Տղամարդիկ հայտնաբերվել են դեռևս 2013-ին, և այդ ժամանակից ի վեր հարմարվել են ժամանակակից կյանքին, սակայն նրանք վերջերս կրկին այցելել են ջունգլիներում գտնվող իրենց տունը։
Երեք տարի առաջ հաղորդվել էր, որ 82-ամյա և 41-ամյա տղամարդիկ լքել են իրենց հայրենի գյուղը 40 տարի առաջ ռմբակոծությունից հետո: Նրանք ապրել են փայտե խրճիթում և այդ ամբողջ ժամանակահատվածում կապ չեն ունեցել քաղաքակրթության հետ: Տղամարդիկ ողջ են մնացել` անտառում մրգեր հավաքելով, ինչպես նաև եգիպտացորեն աճեցնելով: Նրանց հայտնաբերել են նահանգներից մեկի բնակիչները, ովքեր գնացել են փայտի հետևից: