Չինաստանը ստեղծել է աշխարհի ամենահզոր սուպերհամակարգիչը
Չինացի մասնագետները ստեղծել են աշխարհի ամենահզոր սուպերհամակարգիչը, որն իր արագությամբ մոտ 3 անգամ գերազանցում է նախկին ամենահզոր համակարգչին:
Ինչպես նշում է The Telegraph-ը, սարքի պրոցեսինգային հզորությունը 93 պետաֆլոպ է, ինչը նշանակում է, որ այն 1 վայրկյանում կարողանում է 93.000 տրլն հաշվարկ կատարել: Համեմատության համար աղբյուրը նշում է, որ նախկին ռեկորդակիր համակարգիչը` Tianhe-2-ը, ուներ 33.85 պետաֆլոպ հզորություն:
Հայտնի է, որ գերհզոր սուպերհամակարգիչը ստացել է Sunway TaihuLight անվանումը և տեղադրվել է Չինաստանի ազգային սուպերհամակարգչային կենտրոնում: Այն չինական արտադրության միակ սուպերհամակարգիչն է, որի ստեղծման ժամանակ չեն կիրառվել ամերիկյան Intel չիպերը: Ռեկորդակիր համակարգիչը գործում է Linux օպերացիոն համակարգի հիման վրա: