Դևիդ Բոուի մազերի փունջը 4.000 դոլար է գնահատվել
Heritage Auctions աճուրդի տունը վաճառքի է դրել բրիտանացի երաժիշտ Դևիդ Բոուի մազերի մի փունջը: Նմուշը գնահատվել է 4.000 դոլար, գրում է The Mirror-ը: Փորձագետների խոսքով, վերջնական արժեքը կարող է ավելի բարձր լինել:
Աճուրդի տունը մազերը ստացել է Մադամ Տյուսոյի թանգարանի նախկին աշխատակցուհուց: 1980-ականներին Վենդի Ֆարյեն երաժիշտի արձանի համար կեղծամ է պատրաստել և որոշել է պահել նրա մազերի մի մասը:
Աճուրդի մասնագետ Մարգարեթ Բարեթը նշել է, որ նախկինում Heritage Auctions-ը հայտնիների շատ մազեր է վաճառել, սակայն դեռ երբեք վաճառքի չի դրել Բոուի մազերի մի մասը: Աճուրդը կկայանա հունիսի 25-ին Լոս Անջելեսում: