Դավիթաշենում փրկարարները դիտահորից դուրս են բերել 2 տղամարդու, նրանցից մեկը մահացել է (լուսանկարներ)
ՀՀ արտակարգ իրավիճակների նախարարություն հունիսի 20-ին, ժամը 21.06-ին ահազանգ է ստացվել, որ Երևանի Դավիթաշեն վարչական շրջանի Ձոր-1 թաղամասի դիտահորերից մեկում աշխատանքներ իրականացնելիս քաղաքացու ինքնազգացողությունը վատացել է, չի կարողանում ինքնուրույն դուրս գալ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ, ճգնաժամային կառավարման ազգային կենտրոնի օպերատիվ խումբը և հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Պարզվել է, որ դիտահորում վատ ինքնազգացողությամբ երկու քաղաքացի կա: Փրկարարները դուրս են բերել 1964 թ. ծնված Ա. Թ.-ին, ով տեղափոխվել է «Արմենիա» հանրապետական բժշկական կենտրոն: Նրա առողջական վիճակը բժիշկները գնահատել են միջին ծանրության: Մյուս քաղաքացուն (տվյալները ճշտվում են) դուրս են բերել մահացած: