Hawaiian Airlines-ն ԱՄՆ-ի ամենաճշտապահ ավիաընկերություն է ճանաչվել
ԱՄՆ ավիաընկերությունները նվազեցրել են 2016 թվականի ապրիլին հետաձգված չվերթների տոկոսը, ինչի արդյունքում կարգավորիչներն ավելի քիչ բողոքներ են ստացել դժգոհ ուղևորներից: Այդ մասին ասված է ԱՄՆ տրանսպորտի նախարարության զեկույցում, գրում է interfax.ru-ն:
Ապրիլին երկրի 12 ամենախոշոր ավիափոխադրողների չվերթների 84,5 տոկոսը ժամանել է ճիշտ ժամանակին (այսինքն՝ առավելագույնը 14 րոպե ուշացումով)՝ 2015 թվականի ապրիլի 81,8 տոկոսի համեմատ:
Ամենաճշտապահ ընկերությունը դարձել է Hawaiian Airlines-ը, որը սպասարկում է առավելապես բարենպաստ եղանակային պայմաններով չվերթների ուղիները: Ավիաընկերության չվերթների 94,1 տոկոսը նշանակետ է ժամանել ճիշտ ժամանակին: Delta Air Lines-ի ցուցանիշը կազմել է 90,3 տոկոս:
Վատագույն ցուցանիշը Sprint բյուջետային փոխադրողի մոտ է եղել: Ընկերության չվերթների մեկ քառորդից ավելին ապրիլին ժամանել է ուշացումով: