ՄԱԿ-ի ԱԽ-ն Օռլանդոյի գեյ-ակումբում մարդկանց վրա հարձակումն ահաբեկչություն է որակել
ՄԱԿ-ի Անվտանգության խորհուրդը դատապարտել է ամերիկյան Օռլանդո քաղաքում ոչ ավանդական սեռական կողմնորոշում ունեցող մարդկանց վրա հարձակումը՝ այն անվանելով ահաբեկչություն։
«ՄԱԿ-ի Անվտանգության խորհրդի անդամները ամենախիստ կերպով դատապարտել են հունիսի 12-ին Օռլանդոյում տեղի ունեցած ահաբեկչական հարձակումը, որն ուղղված էր ոչ ավանդական սեռական կողմնորոշում ունեցող մարդկանց դեմ»,- ասվում է խորհրդի հաղորդագրությունում։
Հիշեցնենք, որ կիրակի Օռլանդո քաղաքի գեյ-ակումբում տեղի ունեցած կրակոցների հետևանքով զոհվել է 49, վիրավորվել՝ 53 մարդ։ Հարձակվողը ոչնչացվել է ոստիկանների կողմից։