Չինաստանում երեխան Lego-ի՝ 15.000 դոլար արժողությամբ արձանիկը կոտրել է ցուցահանդեսի բացումից կես ժամ անց (լուսանկարներ)
Չինաստանում երեխան Lego-ի՝ 15 հազար դոլար արժողությամբ արձանիկը կոտրել է ցուցահանդեսի բացումից կես ժամ անց, գրում է gazeta.ru-ն։
Lego Expo-ում, մասնավորապես, ցուցադրվել է «Կենդանապոլիս» մուլտֆիլմի աղվեսի հսկայական կերպարը։
Հեղինակը երեք օր է աշխատել դրա վրա։ Հենց այդ արձանն էլ կոտրել է ցուցահանդեսի եկած տղան։
Խաղալիք աղվեսի գինը գնահատվում էր ավելի քան 100 հազար չինական յուան՝ մոտ 15.200 ԱՄՆ դոլար։ Երեխայի ծնողները հեղինակին փոխհատուցում են առաջարկել, սակայն վերջինս հրաժարվել է։ Նա համոզված է, որ երեխան չի ցանկացել կոտրել աշխատանքը։
Արձանի հեղինակը կոտրված աղվեսի լուսանկարը տեղադրել է սոցցանցում, ու թեև մանրամասներ չի հաղորդել, սակայն խոստովանել է, որ վշտացած է։