Մանչեսթեր Սիթի - Ռեալ խաղը կսպասարկի թուրք մրցավարը
Չեմպիոնների լիգայի կիսաեզրափակչի անգլիական «Մանչեսթեր Սիթիի» ու Մադրիդի «Ռեալի» միջեւ առաջին խաղը կսպասարկի թուրքական մրցավարական բրիգադը՝ Ջունեյթ Չաքըրի գլխավորությամբ,- տեղեկացնում է ՈւԵՖԱ-ի պաշտոնական կայքը:
Հանդիպումը կկայանա ապրիլի 26-ին Մանչեսթերում:
Չեմպիոնների լիգայի ընթացիկ մրցաշարում Չաքըրը սպասարկել է 6 խաղ, որոնցում ցույց է տվել 26 զգուշացում, նշանակել չորս 11 մետրանոց հարված ու մեկ անգամ դաշտից հեռացրել խաղացողի: