ՌԴ Պետդումայում առաջարկել են բազմազավակ ընտանիքներում երեխաների դաստիարակությունը աշխատանքային ստաժ համարել
ՌԴ Պետդումային պատգամավոր Վլադիմիր Ռեսինը առաջարկել է աշխատանքային ստաժ համարել այն ժամանակը, որը ծախսվել է բազմազավակ ընտանիքներում երեք և ավելի երեխաներ դաստիարակելու համար:
Gazeta.ru-ի հաղորդմամբ` այս մասին պատգամավորը հայտարարել է «Միասնական Ռուսաստանի» կուսակցական ժողովի մասնակիցների բանավեճի ժամանակ:
«Ծնելիությունից ավելի թանկ ոչինչ չունենք: Մարդիկ կլինեն, մնացյալ ամեն ինչ ևս կլինի, քանի որ ամեն ինչ մարդիկ են անում: Եվ առաջին հերթին դա անում են բազմազավակ ընտանիքները, բազմազավակ մայրերը: Եվ դա ծանրաբեռնվածություն է մայրերի, հայրերի և ավագ զավակների համար: Մենք պետք է դա հաշվի առնենք: Ես երեխաներին մեծացնելը կընդունեի որպես աշխատանքային ստաժ, եթե ընտանիքում 3-ից ավել երեխաներ կան»,- ասել է Ռեսինը: