Պուտինն ու Քերին քննարկել են Սիրիայում և Ուկրաինայում հակամարտության կարգավորմանն ուղղված հարցեր
Կրեմլում մեկնարկել է ՌԴ նախագահ Վլադիմիր Պուտինի, ՌԴ ԱԳ նախարար Սերգեյ Լավրովի և ԱՄՆ պետքարտուղար Ջոն Քերիի հանդիպումը:
Ինչպես հայտնում է РИА Новости-ն, Պուտինը հայտարարել է, որ Ռուսաստանը միշտ ուրախ է ԱՄՆ ներկայացուցիչների այցելություններին, որոնք անցկացվում են գործարար մթնոլորտում և հնարավորություն են ընձեռում լուրջ հարցերի շուրջ որոշումներ կայացնել:
Պուտինը հույս է հայտնել, որ Ջոն Քերիի այցը թույլ կտա մոտեցնել ՌԴ և ԱՄՆ դիրքորոշումները Սիրիայում և Ուկրաինայում հակամարտության կարգավորման հետագա քայլերը:
Պուտինն ընդգծել է, որ սիրիական ճգնաժամի լուծմանն ուղղված գործունեությունը կարող էր իրականացվել միայն ամերիկյան ղեկավարության դիրքորոշման շնորհիվ:
ԱՄՆ պետքարտուղարն, իր հերթին, նշել է, որ թեև շատերն անհնար էին համարում Սիրիայում հրադադարի հաստատումը, դրան հասնել հաջողվել է ռուսական և ամերիկյան կողմերի համատեղ ջանքերի շնորհիվ: Նրա խոսքով` ԱՄՆ-ն որոշ մտքեր ունի Սիրիայում և Ուկրաինայում տիրող իրավիճակը կարգավորելու համար:
Բացի այդ, Քերին` ԱՄՆ նախագահ Բարաք Օբամայի անունից ցավակցություն է հայտնել Վլադիմիր Պուտինին Դոնի Ռոստովում Boeing-ի ավիավթարի կապակցությամբ:
Հանդիպման որոշակի օրակարգ սահմանված չէ, սակայն արտահերթ ուշադրության են արժանացել սիրիական կարգավորման և Մինսկի համաձայնագրի շուրջ քննարկումները:
Հիշեցնենք, որ ԱՄՆ պետքարտուղարը երկօրյա այցով մարտի 23-24-ը գտնվում է Մոսկվայում: