«Վաստակավոր քանդիչ» մրցանակ շնորհենք, մարդիկ որակով քանդում են՝ առանց վնասելու. Արամ Մանուկյան
Ձեզ արդեն մի երկու հոդվածով «գնդակահարելու» հիմք կա, մեկը՝ Հյուսիսային պողոտան է, մյուսը` անշարժ հուշարձանների ավերումը, որ ամենուր գնում է: Եկեք էս մեկն էլ վերցրեք, երեք հոդված. ԱԺ-ում կառավարության կողմից ներկայացված «Պետական պարգևների և պատվավոր կոչումների մասին» օրենքում փոփոխություններ կատարելու մասին նախագծի քննարկման ժամանակ ասաց «Հայ ազգային կոնգրես» խմբակցության քարտուղար Արամ Մանուկյանը՝ դիմելով հիմնական զեկուցող, քաղաքաշինության նախարար Նարեկ Սարգսյանին։
Պատգամավորի խոսքով` խորհրդարանը, հնարավոր է, այդքան չըմբոստանար, եթե վերջին դեպքերը՝ կապված Արմենչիկին կոչում տալու հետ, չլինեին։
«Հիմա դիմում եմ լրագրողներին, դուք գիտե ՞ք, որ վաստակավոր լրագրողի կոչում կա: Ո ՞վ է իրենց ներկայացնելու: Ով լավ քծնեց, ով լավ հայհոյեց, ով լավ աշխատեց»,-ասաց նա և նշեց, որ ՀԱԿ-ը դեմ է նախագծին:
Արամ Մանուկյան ասաց, որ ինքը շինարարների դեմ չի խոսում, այլ համակարգի:
«Օրը ցերեկով քանդում են Երևանի կենտրոնում հուշարձանները: Դե բերեք մի հատ էլ պրոֆեսիոնալ քանդելու մրցանակ տանք: Նույն շինարար էլ քանդողն է, չէ ՞: Ամիրյան փողոցի վրա, հո էներգետիկնե՞րը չէին գալիս քանդում: Շինարարին ասում են՝ գնա, քանդի: «Վաստակավոր քանդիչ» եկեք դնենք, մարդիկ որակով քանդում են՝ առանց վնասելու»,-ասաց Արամ Մանուկյանը: