Կատուների սեփականատերերն ավելի քիչ են վաստակում, քան շների սեփականատերերը
Մեծ Բրիտանիայում հետազոտություն է իրականացվել, որի համաձայն կատուների սեփականատերերն ավելի քիչ են վաստակում, քան շների սեփականատերերը, հաղորդում է The Telegraph-ը: Ինչպես պարզել են փորձագետները, շների սեփականատերերն ավելի երջանիկ և շփվող մարդիկ են, քան կատուների սեփականատերերը: Բացի այդ նրանց աշխատավարձն ավելի բարձր է (տարեկան 27 հազար ֆունտ սթերլինգը` տարեկան 24 հազար ֆունտ սթերլինգի դիմաց):
Պարզվել է նաև, որ կատուների սեփականատերերին ավելի շատ դուր է գալիս մենակ ապրել, նրանք նաև նախընտրում են կյանքի ավելի «սովորական» ռիթմ: Ընդ որում՝ ծնողների հետ ավելի հաճախ ապրում են հենց կատուների տերերը, քան շների տերերը:
Մասնագետները պարզել են նաև, որ ամուսնացած է կատուների տերերի 55 տոկոսը և շների տերերի 60 տոկոսը: Կատուների տերերը բացի այդ միջինն ունեն առցանց 50 ընկեր, իսկ շների տերերը՝ 60: