Օբաման Պուտինին կոչ է արել ազատ արձակել Նադեժդա Սավչենկոյին
ԱՄՆ նախագահ Բարաք Օբաման կոչ է արել ՌԴ նախագահ Վլադիմիր Պուտինին ազատ արձակել ուկրաինուհի օդաչու Նադեժդա Սավչենկոյին: Այս մասին հաղորդում է Интерфакс-ը` վկայակոչելով Մոսկվայում ԱՄՆ դեսպանության մամլո-քարտուղար Ուիլ Սթիվենսին:
Վերջինիս խոսքով` այս հարցը քննարկվել է երկու նախագահների հեռախոսազրույցի ընթացքում, որը կայացել է մարտի 14-ին:
«ԱՄՆ նախագահ Բարաք Օբաման իր ռուս գործընկերոջը կոչ է արել ազատ արձակել ձերբակալված օդաչուին` Մինսկի պայմանավորվածությունների դրույթների համաձայն, ըստ որի՝ պետք է ազատ արձակվեն բոլոր անօրինաբար կալանավորված անձինք»,- ասել է Սթիվենսը: