ԵՄ-ն Վրաստանին կզրկի թեկնածուի կարգավիճակից, եթե երկիրը չհրաժարվի «օտարերկրյա գործակալների մասին օրենքից». Foreign Policy
Եթե մինչև հոկտեմբեր Վրաստանը չհրաժարվի, այսպես կոչված, «օտարերկրյա գործակալների մասին օրենքից», Եվրահանձնաժողովը կարող է չհաստատել Թբիլիսիի՝ Եվրամիությանը միանալու թեկնածուի կարգավիճակը, գրում է Foreign Policy-ն։
Մայիսի վերջին Եվրամիության ԱԳ նախարարները կքննարկեն դաշինքի պատասխանը Վրաստանում «օտարերկրյա գործակալների մասին օրենքից» հաստատմանը, հայտնում է հրատարակությունը։
Եվրոպացի բարձրաստիճան պաշտոնյան, որն անանուն մնալու պայմանով խոսել է FP-ի հետ, նշել է, որ եթե Վրաստանը չեղարկի օրենքը, երկիրը կարող է կորցնել դաշինքին միանալու համար իր թեկնածուի կարգավիճակը: Ըստ զրուցակցի, եթե մինչև հոկտեմբեր փաստաթուղթը հետ չվերցվի, Եվրահանձնաժողովն իր տարեկան զեկույցում «Վրաստանի կառավարությանը կասի, որ չի հաստատի» այս կարգավիճակը։
Ինչպես գրում է FP-ն, մի շարք եվրոպացի պաշտոնյաներ քննադատում են ԵՄ ղեկավարությանը «չափազանց մեղմ» արձագանքելու և օրենքի ընդունումից առաջ ավելի կոշտ դիրքորոշում չընդունելու համար։
Անցյալ տարի Եվրահանձնաժողովը առաջարկել էր, որ ԵՄ խորհուրդը Վրաստանին շնորհի թեկնածուի կարգավիճակ՝ պայմանով, որ իրագործվի ինը քայլ՝ ներառյալ դատական բարեփոխումները, կոռուպցիայի դեմ պայքարը, ապաօլիգարխացումը, մարդու իրավունքների, փոքրամասնությունների, լրատվամիջոցների և քաղաքացիական ակտիվիստների իրավունքների պաշտպանությունը և այլն:
2023 թվականի դեկտեմբերին Թբիլիսին ստացել է թեկնածուի կարգավիճակը, սակայն, ըստ ԵՄ ղեկավարության, «օտարերկրյա գործակալների մասին օրենքը» խոչընդոտ է հանդիսանում երկրի՝ դաշինք մտնելու համար, քանի որ այն հակասում է ժողովրդավարական արժեքներին և սահմանափակում հասարակական կազմակերպությունների աշխատանքը։
Ինչպես գրում է Financial Times-ը, Էստոնիան, Նիդեռլանդները, Չեխիան և Շվեդիան կոչ են անում Եվրամիությանը դիտարկել «օտարերկրյա գործակալների մասին օրենքի» պատճառով Վրաստանի դեմ սահմանափակումների հնարավորությունը։ Միջոցառումները կարող են ներառել առանց վիզայի ռեժիմի կասեցում, որը գործում է 2017թ.-ից, նպատակաուղղված պատժամիջոցները և ԵՄ ֆոնդերից միջոցների սառեցում։
Վրաստանի կառավարությունը հայտարարել է, որ օրենքը չի խանգարում երկրի եվրաինտեգրման գործընթացին։ Իշխող «Վրացական երազանք» կուսակցությունը կարծում է, որ Վրաստանի կամ նրա ժողովրդի դեմ պատժամիջոցների կիրառումը կամ դրա պատճառով նրանց շանտաժի ենթարկելը հակաարդյունավետ միջոցներ են։ Վրաստանի խորհրդարանը երեք ընթերցմամբ ընդունել է օրենքը։