Լևանդովսկին երկրորդ տարին անընդմեջ ստացավ Գերդ Մյուլերի անվան մրցանակը
«Բարսելոնայի» և Լեհաստանի հավաքականի հարձակվող Ռոբերտ Լևանդովսկին երկրորդ տարին անընդմեջ ստացել է Գերդ Մյուլերի անվան մրցանակը։
Մրցանակը շնորհվում է այն հարձակվողին, որը նախորդ մրցաշրջանում ամենաշատ գոլերն է խփել ակումբի և ազգային հավաքականի կազմում պաշտոնական խաղերում։ Անցած մրցաշրջանում Լևանդովսկին «Բավարիայի» և Լեհաստանի հավաքականի կազմում խփել է 57 գոլ։
2021 թվականի մայիսին Լևանդովսկին գերազանցեց մյունխենցիների նախկին հարձակվող Գերդ Մյուլերի «հավերժական» ռեկորդը՝ Բունդեսլիգայի 29 խաղում խփելով իր 41-րդ գոլը։
1972/1973 մրցաշրջանում գերմանացին խփել էր 36, 1969/1970 մրցաշրջանում՝ 38, իսկ 1971/1972 մրցաշրջանում, երբ ռեկորդ սահմանեց, խփել էր 40 գոլ։
Լևանդովսկին «Բարսելոնա» է տեղափոխվել Մյունխենի «Բավարիայից»՝ 2022 թվականի ամռանը։ 34-ամյա լեհ հարձակվողն ընթացիկ մրցաշրջանում անցկացրել է 8 հանդիպում՝ դառնալով 9 գոլի և 2 գոլային փոխանցման հեղինակ: