ԱՄՆ Դաշնային պահուստային համակարգի նախագահի ելույթից հետո աշխարհի ամենահարուստ միլիարդատերերը կորցրել են ավելի քան 30 միլիարդ դոլար. Forbes
Աշխարհի ամենահարուստ միլիարդատերերն ավելի քան 30 միլիարդ դոլար են կորցրել ԱՄՆ Դաշնային պահուստային համակարգի նախագահ Ջերոմ Փաուելի ութ րոպե տևողությամբ ելույթից հետո: Այս մասին են վկայում Forbes-ի տվյալները։
Միլիարդատերերի կարողությունը կտրուկ անկում է գրանցել այն բանից հետո, երբ Ջերոմ Փաուելն իր ելույթում չի բացառել տոկոսադրույքների բարձրացում՝ գնաճը զսպելու համար։ Նրա խոսքերից հետո ամերիկյան արժեթղթերի շուկան փլուզվել է. S&P 500 ինդեքսը նվազել է 3,4%-ով, ինչը ամենավատ ցուցանիշն է հունիսի կեսերից ի վեր: Nasdaq 100 ինդեքսը, որը ներառում է Microsoft-ի, Amazon-ի, Tesla-ի և Alphabet-ի արժեթղթերը, գրանցել է ավելի քան 4% անկում:
Սրա հետևանքով մոլորակի ամենահարուստ մարդու՝ գործարար Իլոն Մասկի կապիտալը նվազել է 5,4 մլրդ դոլարով և այժմ կազմում է 257,3 մլրդ դոլար։
Իր հերթին, LVMH-ի սեփականատեր Բեռնար Առնոյի կարողությունը նվազել է 4,5 միլիարդ դոլարով, Amazon-ի հիմնադիր Ջեֆ Բեզոսինը՝ 6,5 միլիարդ դոլարով, միլիարդատեր ներդրողներ Ուորեն Բաֆեթն ու Լարի Էլիսթոնը «աղքատացել» են գրեթե 3-ական միլիարդ դոլարով, իսկ Բիլ Գեյթսը՝ 2 միլիարդ դոլարով:
Հնդիկ միլիարդատեր և Adani Group կոնգլոմերատի սեփականատեր Գաուտամ Ադանին դարձել է աշխարհի տասը ամենահարուստ մարդկանց ցուցակում միակը, ով չի կորցրել իր փողերը։ Նրա կարողությունն աճել է 1,6 մլրդ դոլարով՝ հասնելով 140,1 մլրդ դոլարի։